| no |
الاسم
|
المدينة
|
الأسئلة والأجوبة
|
356
|
ليث العراقي مراسل فقرة النمسا |
|
عامر هولندا
ارجع عن طريقهم حتى تثبت انك رجعت وبعد شهر ممكن ترجع طبيعي بس حتكون اول دوله الك هو مكان الاول لتبصيمك
تحياتي |
355
|
ليث العراقي مراسل فقرة النمسا |
|
محمد بغداد
اول شي من صعب حصول الى فيزا دراسه في نمسا وفي حال الحصول الها مستحيل انو تقدم لجوء تعرض نفسك الى طرد والغاء فيزة دارسه بس ممكن تشتغل لان فيزتك دراسيه وممكن تشتغل لان انت طالب
اتمنالك موفقيه اخي |
354
|
ليث العراقي مراسل فقرة النمسا |
|
heder
اخي فاضل تعتبر اقامتك مكنسله ومن صعب تجديدها وخصوصا المانيا بس ممكن لو مغادر الاتحاد الاوربي وعندك اثبات ممكن تقدم اي دوله في الاتحاد وتعتبر المانيا بصمتها لاغيه ولا تشملك اتفاقيه دبلن |
353
|
ليث العراقي مراسل فقرة النمسا |
|
محمد المحسناوي امستردام
مع الاسف اخي صدر قانون بشهر التاسع يرجعون الى دول اوربيا اي شخص عندة بصمه كنت اتمنى لو جاي قبل هل تاريخ اما موظوع الاقامات نعم مفتوحه وموجودة وما اريد اسهلها لان قسم يعتبروها سهله نمسا بالعكس ممكن تكون صعبه وكلمن حسب قضيته ونوع قضيه
اتمنالك الموفقيه وصبر في هولندا
اخوك ليث |
352
|
ليث العراقي مراسل فقرة النمسا |
|
سام العراقي بغداد
طبعا كل اوربا تعتبر الك مفتوحه واول بصمه الك باي دوله فراح تعتبر هي بصمه الاولى
الاقليات في نمسا والمانيا الهم اعتبارات خاصه اتمنالك كل موفقيه |
351
|
ليث العراقي مراسل فقرة النمسا |
|
ابو منار بغداد المضلومه
في البدايه حمدلله على سلامه ويارب متنعاد
اخي فاضل نعم ممكن تحصل على لجحوء ولو كان عندك اثباتات ياريت اي شي تصادق على اقوالك
وحياك الله والف هلا بيك |
350
|
ليث العراقي مراسل فقرة النمسا |
|
الاخ أحمد البغدادي روما - أيطاليا
الفيزا السنويه هي اقامه عاديه جدا والك كل حقوق بحصول على المساعدات وتامين الصحي ودراسه الى جواز وبعد 8 سنوات منا 2 سنه عمل رسمي وطول فترة ماكو مشاكل الك حق بتقديم على جنسيه
اتمنى اني وظحك الك السؤال |
349
|
ليث العراقي مراسل فقرة النمسا |
|
الاخوة احمد الانباري الانبار
والاخ اليمني عليكم مراجعه الاجوبه المسبقه
تحياتي |
348
|
ليث العراقي مراسل فقرة النمسا |
|
الى الاخوة متابعين فرة الكرام اعتذر على تاخري على الرد بسبب مرض ابد الله عندكم كل الامور الصعبه
تحياتي اخوكم ليث
على بركه الله |
347
|
احمد محمد احمد |
العراق بغداد |
السلام عليكم اخي العزير مندوب الرابطه في النمسا ارسلت الى حضرتك استفسار سابق ولم احصل على الرد. |
346
|
احمد محمد احمد |
العراق بغداد |
السلام عليكم الى الاخ العزيز مندوب الرابطه في النمسا اني لاجئ عراقي في هولندا وتم اعادتي الى العراق اود ان استفسر عن اجرائات اللجوء المتعلقه بل العراقين حاليا في النمسا هل الحكومه متعاونه او تعتمد على قوه القصه وهل استفيد من كوني طالب للجوء سابقاا او لاتاثير لهذا مع خالص تحياتي لجنابكم المؤقر. |
345
|
أكرم الخفاجي |
بغداد |
السلام عليكم اخي مندوب الرابطة الكريم وجزاك الله كل خير بحق محمد اخي العزيز عندي موضوع مهم اريد اخذ مشورتك ورأيك بيه ياريت تضيفني عندك حتى اتكلم معاك ... ومشكووور بحال الاضافة او عدمها ... اخوك العراقي
barca.akram@hotmail.com |
344
|
اياد الجنابي |
العراق بغداد المنصور -حاليا سوريا |
السلام عليكم اناعقيد طيار في الجيش العراقي السابق واقيم حاليا في سوريا ماهي فرص حصولي على الاقامه في النمسافي حالت وصولي اليها علما ان لديه مستمسكات اصليه تثبت كوني عقيد طياروشكرا
وهذا ايميلي اذا استوجب ayad2631961 |
343
|
عامر |
هولندا |
الى الاخ ليث امحترم انا عندي اقامه نوع دي وسحبت مني واغلق ملفي في هولندا وانوي العوده الى العراق عن طريق الاي او ام ومن ثم ارجع الى هولندا هل استطيع البقاء شهر بالعراق ومن ثم السفر الى النمسا لطلب اللجوء او لازم مرور 100 يوم لان هوية الاقامه والجواز الهولندي ينفذ نهاية شهر الثالث 1012 واريد ارجع بيها فالفتره كلش قليله بماذا تنصحني جزاك الله خير ارجو الرد
|
342
|
محمد |
بغداد |
السلام عليكم
ممكن اي شخص يحصل دراسه في النمسا علما اني طبيب اسنان اذا اريد اكمل الماجستير واحصل على لجوء او شغل يعني ابقى في النمسا ممكن لو ميصير
شكرااااا |
341
|
heder |
|
ارغب الجواب على سولي من الاخ المحترم لقد كان لدي اقامة في المانياء نوع اقامة انساني 51 ولكني خرجت الى دولة اوربية ولم اجدد الاقامة قبل سنتين سولي استطيع الان الرجوع وتجديد الاقامة وشكرا جزيل |
340
|
محمد المحسناوي |
امستردام |
السلام عليكم بدون زحمه اني عراقي انرفض طلب لجوئي في هولندا اكدر اسافر النمسا واطلب لجوء من جديد واريد اعرف هل النمسا في الوقت الحالي تنطي اقامه للعراقين او لا |
339
|
سام العراقي |
بغداد |
السلام عليكم
في 2007 كانت عندي بصمات في هنكاريا في 2011 ذهبت الى هولندا وطلبت لجوء ظهرت بصماتي قررت العودة طويعيا الى العراق عن طريق IOM ولاكن بسبب الوضع الامني السيء وسوء الخدمات احاول العودة الى اوربا مرة اخرى فاي من الدول تنصحوني هولندا او المانيا او النمسا علما اني من اخوانكم الاقليات
اتمنا لكم الشكر الجزيل
|
338
|
ابو منار |
بغداد المضلومه |
اخي العزيز السلام عليكم اني محامي وموظف في وزارة الدفاع ونخطفت في 2006 ود فعت فديه وتركوني بعد اذائي ورجعت الى العمل وبهذه الفتره اكتشف بأن الذي عمل لي هذه العمليه ضابط في الوزاره بدافع طائفي كوني كنت اعمل مع الوزير في وقته وعندما كشفت الموضوع علمت انه يدبر لي مكيده وتركت العمل والبيت وناوي الذهاب الى النمسا انشاء الله يوم 15 /10 وعندي وثائق تثبت خطفي وهويات عملي مع حلف الناتوا والمنطقه الخضراء وهوية نقابة المحاميين وهويات اثباتيه اخرى وصور مع الوزراء في عملي انشدني هل هذه الامور تخدمني في طلب اللجوء اخوك |
337
|
أحمد البغدادي |
روما - أيطاليا |
أخي العزيز ليث العراقي بلا زحمة عليك, ممكن تشرحلي شنو معنى الفيزة السنوية في نمسا . أنا سمعت سابقا أحد الأشخاص من نمسا تكلم عن هذه الفيزة يعطوه لكل شخص في النمسا حتى لو لم يكن عنده أقامة, و لكني لم أفهم الموضوع بالضبط . |
336
|
عادل البياتي |
العراق |
اتمنى مساعدتي انا وعائلتي في الخروج الى خارج العراق بسبب الظروف التعيسة الذي نعيشها وبسبب الطائفية والتهديد المستمر لنا بالقتل والتهجير من المنطقة ارجو مساعدتنا وهذا ايميلي اتمنى ان اقرا الجواب منكم باسرع وقت |
335
|
احمد الانباري |
الانبار |
السلام عيكم اخي البطل ليث العراقي عندي سؤال واتمنى اجاوبني عليه هل اللجؤ في النمسا صعب وايهما افضل النمسا ام بلجيكامع شكري الجزيل الك ولكل الابطال في الرابطة |
334
|
خالد صالح |
اليمن |
الاخ ليث تحيه من القلب
انا يمني الجنسيه واريد الحصول على اللجؤ في النمسا ارجوك ارجوك في اسرع وقت افدني ولك كامل التقدير والاحترام |
333
|
ليث العراقي مراسل فقرة النمسا |
|
احمد العراق
قليل جدا من اعطوهم الرفض في نمسا واكيد ينطوك فيزا سنويه وتتمتع بيها وتجدد لمدة 8 سنوات وتحصل على جنسيه والك كل حقوق |
332
|
ليث العراقي مراسل فقرة النمسا |
|
عمر مصطفى العراق/بغداد
اخي العزيز كلمن حسب قضيته والاثبات واقناع المحقق هي الي تدعم القضيه مالتك
|
331
|
ليث العراقي مراسل فقرة النمسا |
|
حمد القيسي العراق
نعم كل ورقه تثبت موظوعك حيفيدك وخصوصا الصحفيين لان مهددين بخطر وخاصتا بعد استشهاد الصحفي بداخل بيته قبل ايام |
330
|
|
|
عمر ama -888
موظوع بصمه السفارة هي ممكن تسال السفارة ماعندي جواب الها
موفق حبي |
329
|
ليث العراقي مراسل فقرة النمسا |
|
هناء العراق
اختي العزيزة لم الشمل حسب نوع الاقامه اذا لجوء موظوع اقل من اشهر قليله واذا بس اقامه سنويه لازم بعد سنه تقدمين لم شمل
ممكن لم الشمل للوالدين والاخت الصغيرة جوة 18 لازم بعد وصول الوالدين ويقدمو الهالم شمل
تمنياتي بموفقيه |
328
|
ليث العراقي مراسل فقرة النمسا |
|
مجد بغداد
موظوع البصمه هل تودج ام لا ممكن تساال السفارة لان ماعدنا علم بهل موظوع
موفق ياربي |
327
|
ليث العراقي مراسل فقرة النمسا |
|
سلام جدة
نعم ممكن تغير اسمك ولو حرف واحد اهم شي انو متكون مبصم بسفارة الي حيطوك الفيزا
موفق ياربي |
326
|
ابو تيم |
بغداد / العراق |
اخوية ليث المحترم عندي سؤال واريد منك حبيبي تجاوبني عليه باسرع وقت اني زوجتي الان موجودة في النمسا تقريبا قبل اسبوع والاصدقاء الموجودين في النمسا طرحو علينا فكرة اللجوءواني سؤال اذا قدمت زوجتي طلب اللجوء شكد المدة تقريبا وتحصل على اللجوء والنقطة المهمة جدا بالنسبة الي هية ورة شكد المدة ونكدر نسوي لم الشمل لانه عندي طفلين وتعرف بدون الام الامور صعبة وممكن نسوي لم شمل واحنة هنا بالعراق لو ضروري نسافر خارج العراق اخوية اريد جواب سريع لانه لازم اخذ قرار خلال يومين وجزيل الشكر اللك وللاخوة القائمين على هذا الموقع المتميز |
325
|
احمد القيسي |
العراق |
مرحبا الى الاخ ليث العراقي
اني احمد من العراق
اني عندي وثائق رسميه من المحكمه بتغيير اسمي اثناء الطائفيه
وانا الان صحفي
واعاني من التهديد والمضايقه
هل من الممكن حصولي على اللجوء؟ والاقامه؟
وماهي الوثائق المطولب جلبها معي لأثبات اني صحفي؟؟
ولكم الشكر الجزيل |
324
|
احمد |
العراق |
اذا قدمت طلب لجوء الى النمسا ونرفض طلبي ممكن يعطون اقامقة |
323
|
عمر مصطفى |
العراق/بغداد |
اني من مواليد 1978 متزوج ولي طفلان لم اعد استطيع العيش في بلدي ارجوا منكم اعلامي عن كيفيه طلب الجوء لاحد البلدان الاوربيه مع الشكر والاعتزاز |
322
|
احمد القيسي |
العراق |
مرحبا
اني احمد من العراق
في فتره الطائفيه اتعرض للتهديد
وغيرت اسمي وعندي وثيقه من المحكمه
واني حاليا صحفي
وتعرضت للتهديد حاليا
هل من الممكن اني احصل على اللجوء
ارجو الرد
وشكرا |
321
|
عمر |
ama -888 |
السلام عليكم ممكن سوال هل فيزة علاجيه الى احد الدول اوربيه اي دوله اوربيه تعتبر فيزة شنكين او فيزة عاديه و هل مشموله في البصمه |
320
|
هناء |
العراق |
السلام عليكم اخواني
حقيقه عندي استفسار بخصوص موضوع لم الشمل , اني ناوية اقدم لجوء للنمسا ان شاء الله اني واخويه , وقلنا اذا الله فتحها بوجهنا ورهمت حتى ندز لم شمل للوالد والوالدة واختي الصغيرة , سؤالي هل لم الشمل يشملهم؟ ام لم الشمل حق للمتزوجين فقط ليصطحبوا عائلاتهم ؟؟ ارجو الرد يا شباب يجزيكم خير الموضوع يهمني جدا .. |
319
|
مجد |
بغداد |
تحيه طيبه ممكن سوال اذا حصلت على فيزة من السفارة جيكيه في بغداد هل يوجد بصمه في داخل السفاره شلون اطلب للجوء في النمسا ممكن الجواب شكرن |
318
|
سلام |
جدة |
السلام عليكم
انا اخذت فيزا من بريطانيا وتم تبصيم اليد والعين بس رحت ورجعت لان قالولي بيكتشفو لو كذبت عليهم او غيرت اسمك
اريد اعرف لو اخذت فيزا شنقن الان وسافر الى السويد وقدمت لجوء بأسم مختلف هل سيكتشفو امر البصمة القديمة الي من سفارة بريطانيا وشكرا |
317
|
ليث العراقي مراسل فقرة النمسا |
|
العراقي بلجيكا
ممكن تروح الى سوريا بجواز البلجيكي وتراجع دائرة الهجرة وجوازات اهناك تطلب نقل اختام على جوازك العراقي وتروح وترجع بجواز عراقي ترجع لسوريا وتنقل اختام على البلجيكي شي عادي كثير من يروحون للعراق بهل طريقه نقل الاختام دون ما ينختم على جوازك البلجيكي انك دخلت وغادرت العراق
موفق اخي |
316
|
منذر |
العراق بغداد |
الى الخ ليث العراقي انا اشكرك للرد على رسالتي انا صديقي الي في النمسا لوحده او ما عنده عائله او صارله تقريبا ثلاث سنوات لكن هو ينصحني بالنمسا سؤالي ما هي الاجراءات التي تتبع مع في حاله الوصول الى النمسا وهل هناك ترجيع قسري للعراقيين وهل التسليم في المطار افضل ام خارج المطار وهل استطيع مثلا السفر من بلد اوربي الى النمسا بدلا من بلد اسيوي والتسليم لاني لاتهمني اي شيء سوى ان ابقى في ذلك البلد والعمل و عدم ارجاعي للعراق الرجاء الرد وشكرا لتعاونكم والله ايوفقكم لخدمه العراقيين ولكم جزيل الشكر تحياتي |
315
|
العراقي |
بلجيكا |
السلام عليكم
اخي العزيز اني اخوك صاحب التعليق 696 وجاوبتني بتعليق رقم 716 اني عندي فيزا شنغن من التشيك دخلت عن طريقها الى الاتحاد الاوربي قبل سنة وخلال هذه السنة قدمت لجوء في بلجيكا وحصلت لجوء سياسي واقامة 5 سنوات وجواز ازرق ترفل ديكيومنت سوالي اريد اروح للعراق واسافر من هنكاريا او من اي دولة اوربية عدا بلجيكا الى سوريا ومن هناك اغادر للعراق بس اني اريد اسافر بواسطة الجواز العراقي هل في حال مغادرتي بالجواز العراقي من اي مطار اوربي عدا مطارات بلجيكا اوالتشيك راح ايحاسبوني في المطار اثناء المغادرة على الفيزا المنتهية لو يعتبرون حصولي على الاقامة يلغي دور الفيزا لان اني ما اكدر اروح للعراق بالجواز الازرق لان ممنوع ادخل بي للعراق وشكرا على المساعدة في الاجابة على سوالي |
314
|
ليث العراقي مراسل فقرة النمسا |
|
منذر العراق بغداد
بدايتا كل عام وانت وكل عراقيين بالف خير وصحه وسلامه
اشكرك على ردك وباسمي واسم الاخوان العاملين فالرابطه العراقيه نوعدك وكل عراقيين ان نعمل كل جهدنا لاصالكم بصور القانونه وطريقه التعامل اما بعد
اخي من توصل وتبصم حتطلع بصمه هولندا بس حتكون غير مهمه لانك غادرت اوربا بطريقه او اخرى فحتكون بصمه النمسا هي البصمه الاولى لك في الاتحاد الاوربي وهولندا لا تهم بصمتك وانت تكول عن صديقك انا التقيت مع احد الاشخاص كانو بهولندا ورجعو للعراق وحاليا مرتاح باقامته في النمسا يمكن صاحبك عندة عائله بنات اثنين وجوزة وطفلين ولد وبنيه هو اول شخص اجا من هولندا بعد ما تسفر للعراق ورجع اهنا ومرتاح حاليا جدا اتمنالك الموفقيه وكل عام وانت بالف خير ياربي
اخوك ليث العراقي فينا |
313
|
منذر |
العراق بغداد |
الى الاخ ليث اولا لا تفهمني خطأ انا كنت امزح واعرف انك والمندوبين تعملون بدون مقابل فقط لخدمه ابناء العراق انا ليس من الذين لا يتفهمون هذه الامور وتستطيع ان ترى مشاركاتي مع بلجيكا وهولندا او تسال عني مندوب هولندا الدكتور سليم فهو يعرفني ويعرف قصتي ومندوب بلجيكا عراقي حر ولكن قبل ذلك بعثت برسالتين لحضرتك يبدو انها لم تصل وانا كتبت سوف اشتكي للامم المتحده وذلك للمزح فقط لاني اعرف جهودكم المبذوله في خدمه العراقيين المهم سوالي كان مختصر انا من المسفرين من هولندا قسريا بدايه هذا العام بعد ان تم سجني لمده 70 يوما وذلك لان ملفي تم اغلاقه وتم تسفيري مكبل الايدي والارجل هل بامكاني في حاله الوصول الى النمسا التقديم على اللجوء وما هي الاجراءات التي تتبع معي وما مدى فرصه حصولي على الاقامه وما هي القصه او الاوراق التي تفيدني وهل ابقى على نفس القصه التي في هولندا وادعمها باوراق كما نقول تعزيزيه انا اريد تفاصيل حول التقديم للذي مثل حالتي وانا لدي صديق في النمسا ينصحني بها انا من الذين لا يعتمدون فقط على المساعدات فانا احب العمل جدا ولدي مهنتي وهي مرغوبه في اي مكان المهم عندي البقاء والحصول على الاقامه وان اذهب الى دوله لا تسفرتي للعراق مره ثانيه ((دوختك اخويه)) وهل التسليم في المطار افضل ام خارجه ولكم جزيل الشكر والاحترام والله ايوفقكم او ايوفقنا |
312
|
ليث العراقي مراسل فقرة النمسا |
|
مصطفى الجبوري بغداد/العراق
اخي العزيو الموظوع مو استنكاة المكان الي حبيته وعندك ناس بيه افضل والموظوع تبقا حسب نوع قضيتك اتمنالك الموفقيه |
311
|
وسيم العراقي |
بغداد |
السلام عليكم
اخواني الاعزاء ما اعرف اذا موضوعي متكرر او لا
اريد اطلب اللجوء في النمسا ما اريد اسال الطريقة شلون بس اريد اعرف ينطون لو لا وعندي منو الاحسن النمسا لو بلجيكا من كل النواحي اوراق كاملة وقضية قوية وياريت ادارة الموقع مشكورة ان تحط تاريخ بجانب كل مقال حتى نعرف الاحداث بالتسلسل ونكدر نتواصل وشكرا |
310
|
اوس |
الاردن |
اخي ليث ارجوك تنصحني..انا معي تاشيرة الى بريطاينا وبتنتهي بعد اسبوعين واريد الذهاب الى النرويج وكما تعلم اخي انه تاشيرة بريطانيا لاتسمح لي بالدخول الى الاتحاد الاوروبي..سؤالي تذكرتي عمان فيينا لندن وعندي ترانزيت في فيينا هل من الممكن ان اطلع من المطار مع العلم انه جواز سفري اردني |
309
|
الخائف |
|
السلام عليكم
هل استطيع من صربيا ان احجز الى هنكارية واذا اتيت الى هنكارية هل بسهولة اني احجز الى النمسا بالقطار هذا كله اذا ما عندي فيزا وشكرا اخوي |
308
|
ليث العراقي مراسل فقرة النمسا |
|
حسين بشير العراق \ مقيم في مصر للدراسىة
اتمنى تجي اهنا وتخلصنا لان دكتور عربي سوري اهنا خبلني من ورا سن واحد وشغله كلاوات
اما عن موقع للعمل في مراكز نمساويه من صعب جدا جدا ومفهوم لويش لانك ________ |
307
|
ليث العراقي مراسل فقرة النمسا |
|
لتائهة السعودية
حياج الله انتي احجزي ترانزيت للبلد الي تنوين اللجوء اله وكملي طريقك بالبر لان عندك فيزا كملي بري واذا عندك احد في اوربا تركي جوازك عندهم وروحي سلمي نفسك للمكتب اللجوء بدون جواز وغيري حرف من اسمك وينتهي موظوع طبيعي بس بشرط الي ياخذ الجواز امنه عندة لازم يكون ثقا حتى لا يقوم بتهديدك مستقبلا واستفزازك مثل الي حصل مع كثير جدا اتمنالج رحله موفقه على متن الخطوط الجويه النمساويه وكادرها الراقي وشكرا |
306
|
ليث العراقي مراسل فقرة النمسا |
|
علي هولندا
اخي العزيز بخدمتك وخدمه اهلنا بكل بقاع العالم..
طريقتك ذكيه جدا مال شرطه وملاعيب من تدخل لاي بلد في اوربا الان تنحسب هي الدوله الاولى وهي مسؤله عن طلب لجوئك اما عن المواعيد للمقابلات هي حظ ممكن اسبوع وممكن شهرين اكثر شي واهلا وسهلا بيك وحياك الله |
305
|
ليث العراقي مراسل فقرة النمسا |
|
أبو عدي غزة
كثير من الفلسطيين هنا بانتظار الرد من سنوات طويله لكن الدول الاسكندنافيه افضل واسرع صدقني وخصوصا فلسطين |
304
|
ليث العراقي مراسل فقرة النمسا |
|
غريب في وطني العراق
اكيد المحافضات الجنوبيه اصبحت صعب الحصول على اقامات عكس الغربيه والوسط ترا محقق من تكعد كدامه تكول عايش بعراق حاول تجمع معلومات عن الوسط هم مو محققين غضب مال الله ومترجم يزودة بمعلومات كامله عن كلامك وصحيته |
303
|
ليث العراقي مراسل فقرة النمسا |
|
لطريق الثاني هولندا
ماكو شي اسمه تنلغي البصمه من سستم مستحيل لكن ؟؟؟؟؟
في حال مغادرتك عن طريق المنظمه ورجعت للبلد وقضيت شهر خارج الاتحاد شهر او اكثر تكون اول بلد تدخل بيه من جديد هو اول بلد تبصم فيه وتعتبر البصمه القديه لاغيه بس موجودة ومطالب بيك ولا اي شي البلد الاول وثاني بعد رجعوك حيكون هو الاول |
302
|
ليث العراقي مراسل فقرة النمسا |
|
محمد بغداد
اخويا رتب موظوع واوراق كلك وانك كنت معتقل عند جهه العراقيه ومن تعذيب طفت عينك رتبها حلو |
301
|
ليث العراقي مراسل فقرة النمسا |
|
منذر العراق بغداد
منذر اني محد جابرني ولا امرني انو اتعب على اي موظوع يطرح علي واجاوبه بصدق وامانه صدقني السؤال الي ما اعرفه اسال مختص بيه والي اعرفه اجاوبه بكل سهوله وما انتظر منك شي ولا من غيرك اني دا اخدم بلاش اخدم عراقيتي اني ابن العراق تاي تشتكيني للامم متحدة وتضحك علينا بان كيمون
المهم وين سؤالك انت او علي الي بهولندا ماكو اي سؤال موجه بفقرتي راجعتهن ومالكيت سؤال بدون جواب خليك رياضي واكتب سؤالك واني اجاوبك وما منتظر منك شي حتى دعاء ما اريد شكرا لكل المشاركين جزة الخير
الرابطه العراقيه هي لحل مشاكل العراقيين بكافه انحاء المعمورة لا ننتظر شكر ولا دعاء |
300
|
ليث العراقي مراسل فقرة النمسا |
|
علي هولندا
اكتب قصتك ودزها على بريد الرابطه معنونه الى مراسل فقرة النمسا ليث العراقي لان ما وصلتني قضيتك وما اعرف على شنو اجاوبك وين سؤالك؟؟ |
299
|
ليث العراقي مراسل فقرة النمسا |
|
العراقي بلجيكا
سؤالك مبهم المهم انت لاجئ سياسي في اوربا
انت اجيت اوربا بفيزا شنكن بس مكلت الهم انك جاي فيزا واخذت الاقامه وحاليا تريد تستعمل نفس الجواز الي بيه الفيزا هيج افتهمت
اذا طلعت الجواز الي جاي بيه ومكايل الهم الحقيقه ممكن تنسحب منك الاقامه لانك غير صادق اخفيت حقيقه وصولك او مفهمت موظوعك كتبه بصورة ادق |
298
|
ليث العراقي مراسل فقرة النمسا |
|
احمد الاسكندر العراق
اخي الفاضل اذا كانت اقامت صحيحه ممكن تراجع سفارة النمسا بدوله الي انت بيها تجدد اقامتك وتبلغهم بعذر قوي على عدم مراجعتك الهم مثلا مسجون او معتقل فد فلم حلو وترجع اهنا مدامك انت اهناك وماتستلم سوسيال ولا كريتاس تكون اسهل بس اذا احد يستلم وينزل الك الرصيد وانت تسحب بفيزا فارجع بنفس الطريقه الي اجيت بيها
اذاكنت بالعراق انسا |
297
|
ليث العراقي مراسل فقرة النمسا |
|
احمد الاسكندر العراق
اخي الفاضل اذا كانت اقامت صحيحه ممكن تراجع سفارة النمسا بدوله الي انت بيها تجدد اقامتك وتبلغهم بعذر قوي على عدم مراجعتك الهم مثلا مسجون او معتقل فد فلم حلو وترجع اهنا مدامك انت اهناك وماتستلم سوسيال ولا كريتاس تكون اسهل بس اذا احد يستلم وينزل الك الرصيد وانت تسحب بفيزا فارجع بنفس الطريقه الي اجيت بيها
اذا منت بالعراق انسا |
296
|
ليث العراقي مراسل فقرة النمسا |
|
احمد الاسكندر العراق
اخي الفاضل اذا كانت اقامت صحيحه ممكن تراجع سفارة النمسا بدوله الي انت بيها تجدد اقامتك وتبلغهم بعذر قوي على عدم مراجعتك الهم مثلا مسجون او معتقل فد فلم حلو وترجع اهنا مدامك انت اهناك وماتستلم سوسيال ولا كريتاس تكون اسهل بس اذا احد يستلم وينزل الك الرصيد وانت تسحب بفيزا فارجع بنفس الطريقه الي اجيت بيها
|
295
|
ليث العراقي مراسل فقرة النمسا |
|
ياد تقى الترك بغداد العراق
اخي الفاضل حعيد عليك الي ماقريته مسبقا
من لديه تساؤلات حول أوضاع الاقامة والفيزا والعمل والدراسة واللجوء في النمسا الكتابة في هذه الفقرة وسيتولى مراسل الرابطة العراقية( ليث العراقي ) الاجابة.. يرجى قراءة الأسئلة والأجوبة السابقة قبل كتابة سؤالك لمنع التكرار..( تنويه هام ) الفقرة لنصح طالبي اللجوء وليست لايجاد طرق غير شرعية للوصول للنمسا.. |
294
|
ليث العراقي مراسل فقرة النمسا |
|
ابو علي غزة و عبد الرحمن العراق
ابو علي معلومات الي في المانيا تلاقيها امامك في نمسا لان سستم واحد الماني نمساوي
عبد الرحمن راجع الاجابات عن المبلغ وياريت عندك قضيه سياسيه افضل من ماديه اللاجئ يفكر بالامان قبل المادة
تحياتي |
293
|
ليث العراقي مراسل فقرة النمسا |
|
مهندس علي بغداد
عندك امل كلش قوي بس لا تكول جيراني قول مليشيات وحاولو قتلي وخطفي ورتبها مهندسنا انت مهندس ابو ترتيب موفق انشالله انتظرك بفينا |
292
|
ليث العراقي مراسل فقرة النمسا |
|
علي كمال بغداد
اخي العزيز ماعندي معلومات على سفارة النمسا في بغداد هل يتم تبصيم ؟ اذا تبصمت انسا واذا اجيت بفيزا بنفس الاسم فتنعرف من الاسم ورقم جوازك واولياتك في سفارة توصل للخارجيه ساعه موافقه على فيزتك اخذ فيزا مابيها بصمه ودهدر للنمسا وغير حرف من اسمك ورتبها تحياتي |
291
|
ليث العراقي مراسل فقرة النمسا |
|
محمودوو
تم الغاء بصمه اليونان من سستم الاتحاد الاوربي متهم بصمتهم |
290
|
ليث العراقي مراسل فقرة النمسا |
|
الاخت هبه من صين
عندج حظ انو ما بقيتي بالعراق ولا ترجعين خلي العراق ذكرى جميله بمخيلتج
اختي الفاضله مدام ماعندج خطورة بالعراق فقدمي على الامم متحدة اعادة توطين افضل من اوربا ن لازم قصه وبيها وثائق
اخوج ليث |
289
|
مصطفى الجبوري |
بغداد/العراق |
مرحبه اني حاليا بالعراق شتنصحوني افكر من ناحية اللجوء لاي دوله نرويج لو المانيا لو النمسا.لان حجيكم كلش قلقني |
288
|
حسين بشير |
العراق \ مقيم في مصر للدراسىة |
السلام عليكم
انا طبيب اسنان انهيت دراستي في مصر .. وابحث عن طريقة قانونية للعمل في النمسا بشهادتي الطبية " البكلورويس "
فهل استطيع ذلك قانونياً ؟ وهل لك ان تدلني على اي موقع لأستطيع معرفة الاجراءات المطلوبة مني ؟
علماً ان اقامتي استطيع تجديدها في مصر كل سنة
تحياتي وجزاك الله خيراً |
287
|
التائهة |
السعودية |
السلام عليكم
اذا وصلت النمسا بجواز سفر اصلي
وفيزة النمسا السياحية لمده شهر صحيحة هل سيقبل اللجوء
لاني سمعت انه لازم اقطع جوازي لانه اذا عرفوا اني جائت بالطائرة سيعيدوني لاولي بلد في الاتحاد الاروبي التي مرة الطائرة فوقه فهل هذا الكلام صحيح
ارجو عدم اهمال رسالتي |
286
|
علي |
هولندا |
السلام عليكم اخوية العزيز ليث العراقي ورحم الله والديك لمساعدة اخوانك العراقيين الحايرين
راح اطول عليك شويه واكتبلك مختصر قصتي واريد اعرف اكو امل احصل شي بالنمسالو لا
سنة 2008 اجيت لهولنده وكنت بالعراق اشتغل بشركة بيهه اجانب وطبعا صارت حوادث ومشاكل بالشركه المهم حصلت اقامه بهولنده وبعدين حالي حال العراقيين اللي بهولنده انسحبت اقامتي وقبل كم شهر رجعت للعراق عن طريق اي او ام وخلال هل كم شهر سويت اوراق بسيطه يعني بلاع مركز شرطه وحكم وتصديق من القاضي ومن المحكمه للاوراق على اساس تهديد وجبتهه واجيت وهسه اني بهولنده يم ولد صديق واريد اجي للنمسا وصار كم مرة اكتب بس ماكو تحديث لفقرة النمسا المهم البارحه شفت اتحدت الصفحه وكلت اكتب عسى ان تجاوبني
اكو امل بقصتي مع العلم عندي كل اوراق العمل والحوادث اللي صارت بيه
واذا اجيت وسوو انترفيو على الطريق شنو راح يكون طريقي هم شاحنه مثل هولندا ؟
وورة شكد يسوون انترفيو
واني عندي اوراق الاي او ام بس التكتات ضاعت بس بالجواز العراقي عندي ختم خروج هولندا ودخول العراق اقدم الجواز لو بيه اشكال اذا قدمته
وبصراحه عندي بعد اساله بس ما حبيت ادوخك وارجو اتجاوبني وراح تسوي عليه فضل ما انساه طول حياتي
تريد تنطيني رقمك واني اخابرك اني حاضر او الايميل هم ماكو مشكله وهذا ايميلي
aliqasim79@yahoo.com
شكرا واسف على الاطاله |
285
|
أبو عدي |
غزة |
ما هي امكانية للجؤ وقبول الطلب لأهل غزة ومن يتثبت أنه بالفعل من غزة
وهل من يملك اقامة طالب في دولة اوروربية أخرى فرنسا ولا يوجد عنده بصمة هل يمكن كشف انه كان في فرنسا (بعد أخفاء الجواز الذي عليه الأقامة). |
284
|
غريب في وطني |
العراق |
بسم اله الرحمن الرحيم اخي العزيز ليث قبل كل شي انااشكرك لردود السريعه وحماستك لمساعدك اخوانك العراقين اخي العزيز انا اعمل في شرطه المرور وسوف اغادر العراق في هذه الايام بعد قضيه حصلت معي اقول انا اسكن محافظه جنوبيه وكنت اعمل في بغداد ثم نفلت الى محافظتي سوالي هل اقول انا من محافظه جنوبيه وعملي في الجنوب او اعطي مستمسكات تثبت عملي في بغداد وسكني في بغداد ماذا تنصحني بااخي العزيز اسف للاطاله |
283
|
الطريق الثاني |
هولندا |
تلغى البصمه بعد مئه يوم من مغادره الاتحاد الاوربي بصوره رسميه
لكن سوالي بشرط ان تكون المغادره مع منضمه الاي او ام لو لا
لان انا كان عندي اقامه هنا وسحبوها ولازلت امتلك وثيقه السفر ويمكنني المغادره من الان بدون اي او ام
شنو نصيحتك بهذا الموضوع |
282
|
محمد |
بغداد |
اخي موعد سفري اقترب قبل العيد انوي السفر الى النمسا عندي نقص وهوه عيني اليسرى لا ارى بيه تعرضت لحادث سوالي هوه هل عيني له دور في طلب اللجوء يعني اذا ارتب فد قصه صغيره اكو امل اخذ اللجوء وجزاك الله الف خير |
