| no |
الاسم
|
المدينة
|
الأسئلة والأجوبة
|
151
|
كامل |
النرويج |
السلام عليكم
رحمه الله والديك اخي الكريم فاعل خير على الجواب وعلى شهامتك بمساعده اخوتك المغتربين.
اني بس ما فهمت شنو تقصد بدائره(الأن).
يارب يوفقك ويجازيك من خيره |
150
|
فاعل خير |
اوسلو |
السلام عليكم ورحمة الله وبركاته
الى الاخ عدي
اخي قضية تقدم رجوع وبعدين تسحبه
هذا بس اذا ردت تبقى اطول فترة ممكنة
بس بالنسبة للخطر اي نعم اخي اكو عليك خطر
حتى لو قدمت عودة وسحبته اكثر من مرة
نفس الشي لان انتة تعتبر من القضايا المحسومة يعني راح يشملك التسفير واي شخص عنده رفضين معرض للتسفير القسري
اذا بدأوا بالتسفير
اما بخصوص العودة فأي شخص يرحل قسرياً يجيله ابعاد خمس سنوات عن الاتحاد الاوربي
وهذه الايام اكو حركه بداخل الدوائر النرويجية بخصوص اللاجئين المحسومة طلباتهم (الي حاصلين على رفضين او اكثر)
كاعدين يدرسون كيفية التخلص منهم بسبب كثرة اعدادهم ورفضهم العودة الطوعية وهذا الكلام اقوله من شيء ملموس انا شفته وسمعته من موظفين نرويجيين من دائرة الهجرة ومن مكتب الاستقبال ومن مواقع نرويجية لها علاقة بهذه الامور
ولكن لحد هذه اللحظه لم يتحركوا بهذا الامر
على العموم
اكو مشاركات قبلك تقدر تقراها وتستفاد منها
تحياتي لك اينما كنت
مع السلامة |
149
|
فاعل خير |
اوسلو |
السلام عليكم ورحمة الله وبركاته
الى الاخ عراقي مغلوب على امره
اشكرك اخي على مشاركتك
وتوضيحك لبعض الامور
ولاتحرمنا من مشاركاتك الثمينة
مع السلامة |
148
|
فاعل خير |
اوسلو |
وعليكم السلام ورحمة الله وبركاته
الى الاخ احمد
اهلاً وسهلاً
اخي اي شخص يرحل قسرياً يأخذ منع لمدة 5 سنوات
يمنع بها من الدخول للاتحاد الاوربي هذا حسب قواعد النرويج
وبالنسبة للتسفير حالياً متوقف ولكن اكو حركه خصوصاً الخبر الي نزل امس بانهم يريد يطردون اصحاب الملفات المنتهية طلباتهم فممكن الايام القادمه راح يكون اكو تسفير للأسف ولكن هذا الشي مو اكيد لان النرويج كل يوم بسالفة محد فاهملها لحد هذه اللحظة ولكن عليك باخذ الحذر
ربي يسهل امرك ويوفقك
مع السلامة |
147
|
فاعل خير |
اوسلو |
السلام عليكم ورحمة الله وبركاته
الى الاخ كامل
اهلاً وسهلاً بك بأي وقت
اخي اما بخصوص سؤالك فتستطيع تصحيح اسمك بالذهاب الى دائرة السكات وعندها تعمل تصحيح اسم لان حسب معرفتي بدائرة السكات بانه تستطيع حتى تقدم طلب بتغيير اسمك يعني ماكو اي مشاكل هذا حسب معرفتي الشخصية
ولكن هذه نصيحة لك ولكل المقيمين في النرويج
اي سؤال واي موضوع يخص اقامتك وامورك الشخصية فاافضل شخص راح يفيدك بالموضوع هو المسؤؤل الخاص بيك بدائرة (الأن) اهوا يكلك شنو الي الك وشنو الي عليك باي سؤال واستسفار
يعني تقدر تراجع دائرة السكات وتراجع مسؤؤلك
وان شاء الله ماكو عليك اي مشاكل لاتفكر ولا شي
ولكن خطوتك بتصحيح اسمك جيدة لان ممكن تطلع عليك بشي انته مامتوقعه
اسئل الله بأني وفقت بالاجابة عليك
ربي يسهل امرك ويوفقك
مع السلامة |
146
|
فاعل خير |
اوسلو |
السلام عليكم ورحمة الله وبركاته
الى الاخ صاحب المشاركة 546(ماعنده حظ بالنرويج)
اخي العزيز ان شاء الله اي خبر ينزل بخصوص اللاجئين
ماراح اتأخر بيه وانزله اول بأول بس خليك متواصل اذا كان في اخبار مهمه راح تنزل واعتقد الخبر الي كتبته امس يهمك فخذ الحذر لحين النظر بما سوف يحصل في المستقبل
اما بخصوص الاخبار لكونني ساكن في اوسلو لم ارى اي شيء ملموس امامي لحد هذه اللحظه غير اخبار هنا وهناك وهذه تعتبر من الطابور الخامس ليست مهمه بل العكس مضرة بنفسية اللاجئ لان ماعندهم غير القيل القال
وان شاء الله اي اخبار اشوفها راح انقلها اول باول.
تحياتي لك اينما كنت
مع السلامة |
145
|
عدي |
اوسلو |
مرحبا اني ساكن بلنروج وعندي ٢ رفض وطرد وقدمت ع رجوع عراق بس بعدين سحبت رجوعي بس مااجاني شي من سحبت رجوعي وهسة عايش بكمب علية خطر لو لا اني من بغداد وبس اني سمعت ماكو تسفير عراق صحيح هذا كلام واذا واحد رح قسري يكدر يطلع مره ثانية واشكرك وكل عام وانتم بخير |
144
|
عراقي مغلوب على امره |
الدول العربية التعبانه |
الى الاخ فاعل خير من النرويج.تحيه طيبة و بعد.ردا على سؤال الجنسية في النرويج فكلامك صح وهو 3 سنوات للبدون و سبع سنوات للاخرين مع مراعاة السجل الجنائي.اما بالنسبة لموضوع الحصول على الجنسية بعد خمس سنوات فهذا يشمل الذين تم اعادة توطينهم من قبل الامم المتحدة في النرويج وهذا الموضوع انا متاكد منه.اعتقد حسب الذي اعرفه انه ايضا الحصول على الجنسية بعد خمس سنوات بالنسبة للاشخاص الذين حصلوا على الاقامة وهم اقل من18سنة ولكني غير متاكد من هذا |
143
|
فاعل خير |
اوسلو |
السلام عليكم ورحمة الله وبركاته
الى الاخ علي
جزاك الله خير على هذه المعلومات القيمة
وبالعكس انا كلي صدر رحب لأي شخص عنده معلومة تفيد جميع اللاجئين
اخي كلامك مضبوط 100% ولاغبار عليه
ولكن النرويج تنظر لكل قضية على حدة
يعني اكو ناس يقدمون رجوع ومايكون عليهم منع وانا اتكلم عن شي ملموس واكو ناس يرجعون عليهم منع خمس سنوات لسوء التصرف مثل ماتفضلت او لان تكون عنده مشاكل جنائية او غيرها واكو ناس يكون عليه منع سنتين مثل ماقلت
ولكن بنفس الوقت اكو ناس راحوا ورجعوا لدول الاتحاد الاوربي وللنرويج وماصار عليهم اي مشاكل سواء باسمهم الحقيقي او بتلاعب بالاسم(النرويج قوانينها وخصوصاً بأمور اللاجئين جداً محير)
بعدين اي شخص يريد يرجع حسب قضيته يعني الاخت سهى من جاوبتها قضيتها دائرة الهجرة عارفتها واكيد الاخت موكلة محامي عند الرفضين يعني ماراح يعطونها منع واهمه عارفين انها راح تقدم لم شمل لكون عائلتها هنا وهذا اتكلمه عن تجربه شخصية مر بها احد اقاربي
على العموم اخي انا من اجاوب الشخص اجاوبه حسب قضيته
واساساً الرفض الثاني اول مايجي راح يجي معاه انه عليه ان يغادر خلال اسبوعين
بعد الاسبوعين يعتبر مخالف ويشمله التسفير والمنع
يعني هذا الشي كلنه عارفينه ومنتهين من عنده
بس المشكله تبقى عند اللاجئ انه شلون يضبط وضعه قبل لايقدم على العودة لان اكو كثير امور اللاجئ يتجاهلها قبل تقديم العودة ومن يرجع يكون الفاس وكع بالراس
بعدين يا اخي الفاضل انا ارد على الناس حسب سؤاله
*****على العموم هاليوم نزل خبر على قناة (NRK)
انهم بدأوا بتجميع اللاجئين المنتهية طلباتهم
والعدد الي راح يبدون بيه 10000 طالب لجوء لغرض تسفيرهم
ومع التسفير راح يسوولهم منع من كل دول الاتحاد الاوربي
تأكيداً على عدم عودتهم مرة اخرى
وهذا رابط الخبر
http://nrk.no/nyheter/distrikt/nordland/1.8371382
فعلى جميع الاخوة اللاجئين المنتهية طلباتهم توخي الحذر
وانا اشكرك على معلوماتك المفيدة يا اخ علي ولاتحرمنة
من مشاركاتك الثمينة
تحياتي لك اينما كنت
اخوك فاعل خير
مع السلامة |
142
|
فاعل خير |
اوسلو |
السلام عليكم ورحمة الله وبركاته
الى الاخ ابو العلاء
تسلم يا اخي وجزاك الله خير
احنة اخوة ولازم نتعاون ونتكاتف مع بعضنا
وخصوصاً في بلاد الغربة وهذا واجبي تجاه اي لاجئ
واذا كان عندك اي سؤال او استفسار انا موجود بأي وقت
والتواصل خليه يكون على هذا الموقع الكريم
انا موجود بأي وقت
الحقيقة انا احب اكون شخص فاعل للخير في هذا الموقع
على حسب مقدرتي وطلبك وطلب الاخوة على عيني وراسي
ولكن لااستطيع التواصل مع احد الى عن طريق هذا الموقع الكريم
اسف اذا ماقدرت اتواصل معاك
خليك متواصل على الموقع وانا راح اكون معاك اول بأول
تحياتي لك اينما كنت
مع السلامة |
141
|
فاعل خير |
اوسلو |
السلام عليكم ورحمة الله وبركاته
الى الاخت ام احمد
قانون الجنسية اذا كنتي من الدول المعترف بها رسمياً
يجب ان تقدمي عليها بعد سبعة سنوات وان شاء الله تحصلين عليها
اما اذا كنتي من فلسطين او من العديمي الجنسية (البدون) فسوف تحصلين عليها بثلاث سنوات
طبعاً اذا كان عندك مشاكل او مخالفات كثيرة
اوقضايا جنائية بالدولة خلال فترة الاقامه
فأن الجنسية سوف تتأخر حسب القضية
اما بخصوص 5 سنوات فأول مرة اسمع بها
ولا علم لي بذلك
ربي يسهل امرك
مع السلامة |
140
|
فاعل خير |
اوسلو |
السلام عليكم ورحمة الله وبركاته
كل عام وانتم بخير
اعاده الله علينا وعليكم بالخير والعافية
ان شاء الله ربي يفرجها على جميع اخواننا اللاجئين
ويسهل امرهم ويوفقهم ويحقق امانيهم
عيدكم مبارك وعساكم من عوادة |
139
|
احمد |
نرويج |
سلام عليكم عندي سؤال واريد جواب صريح اذا شخص يروح قسري عراق يكدر يرجع مر ثانية غير دولة و سوال ثاني هسة اكو تسفير عراق لو ماكو وشكرا الك |
138
|
كامل |
النرويج |
السلام عليكم
تحيه طيبه للرابطه والمقييمين على الموقع الرائع
اخي العزيز اني الحمد لله حصلت على الاقامه النرويجيه عن طريق لم الشمل. بعد القدم الى النرويج قدمت على كارت الاقامه وحصلت عليها وكان المعلومات على بطاقه الافامه لا يشتمل على اللقب الذي موجود في جوازي( جواز نوع A) يعني اسمي صار اسم اول ووالدي صار اسم الوسط واسم جدي صار الاسم الاخير حسب التعريف النرويجي. لحد الان ماكو شي غلط. بعدين قدمت على الرقم الشخصي وحصلت علي قبل يومين الحمد لله لكن المشكله انه اجه اسمه من السكات حاطين اسم اللقب الي بالجواز هو الاسم الاخير مالتي(الافتر نامن) واسمي الثلاثي صار الاسم الاول بالنسبه للسكات.
سؤالي هل هذا الشئ راح يأثر عليه بعدين خاصه لمن اجدد الاقامه( مع العلم الموظف الي بالسكات ما اله علاقه وما يأثر لان السكات شي واليو دي اي شي اخر؟؟؟؟
سؤالي الثاني اني عندي وثائق تخرج جامعيه وهي مترجمه ومصدقه وبيها بس الاسم الثلاثي لان بالوثائف ينكتب فقط الاسم الثلاثي. زين اذا اقدم على معادله الشهاده عن طريق (NOKUT) شنو المفروض الاسم الثاني ؟؟؟
اذا اكتب اللقب فالوثيقه مابيها لفب واذا ما اكثب اللقب يعني امشي على اسم الجد فالرقم الشخصي بيها اسم اللقب .
اسف على الاطاله ويمكن اني مكبر الموضوع بس ابما اني بداي حياة جديده هنايه فالواحد يبديها بصوره صحيحه |
137
|
ماعندي حظ بهاي دنيا |
نرويج ظالمة |
اشكرا بس ممكن من يتنفذ قرار تنشره وماتعرف اخبار جديدة هنا والله شسوي اني حائل وبكمب مو عيشة وهم اخاف ليش عندي رفض وطرد اريد فد نصيحة منك وشكرا لك |
136
|
فاعل خير |
اوسلو |
السلام عليكم ورحمة الله وبركاته
الى الاخ صاحب المشاركة 541
بالنسبة لتعديل قانون دبلن فعلاً قد وضعت اقتراحات جديدة
ولكن اعتقد بأنه لم يتم المصادقة عليه وهو قاب قوسين او ادنى
من المصادقة عليه
ماعليك الا ان تنتظر خبر المصادقة عليه بعدها توكل على الله
وانت تعرف الدول الاوربية بطيئين بهذه الامور فأصبر واحتسب
اما بخصوص الايميل
فأعذرني اخي اذا كان عندك اي سؤال او استفسار
اسئلني عن طريق موقعنا الكريم وان شاء الله ماراح ابخل
عليك بأي شيء
ربي يوفقك ويسهل امرك ويفتحها عليك
امين يارب العالمين .
مع السلامة
|
135
|
علي |
بغداد |
الى الاخ فاعل خير والاخ عراقي النروج . ارجوا ان لا تعتبرون خطابي هذا تقليل من شخصكم الكريم لا والله لان قليل جدا الي جاي يخسر من وقتة ويرد على اسئلة الناس هذه. اخواني عندكم اخطاء فضيعة بموضوع المنع . المنع موجود واسمة بلنرويجي اوتفيزنينغ وهوة على شكل خمس سنوات , وبمجرد ان يستأنف الشخص راح يسوه سنتين , وهذا اخر حد ممكن ينزلون الة وهوة سنتين . اكو اشخاص يستهينون بيه ويرجعون طوعي وهمة ما مستأنفين فراح يبقة عليهم خمس سنوات , واكو ناس يكلك ما يأثر على لم الشمل , واكلكم يأثر واني مجرب ومن ضمن الاوراق الي لازم تعبيهة بلم الشمل ورقة عن اذا كان عليك منع وبهذه الحالة لازم تقدم طلب رفع المنع عنك وية وطلب لم الشمل , وما يأخذون بيه الا عندك شي مؤثر مثل الشخص الموجود في النروج مريض وبحاجة ماسة اليك او اجة طفل وغيرهة من الامور المؤثرة وغير قابلة للتأخير . اكو ناس تفلت من هذا الموضوع بس بلم الشمل حيث يقومون بتغير اسمائهم بلانكليزي واكيد ماكو بصمة بلم الشمل . او تخلص فترة المنع |
134
|
ابو العلاء |
الامارات |
الله يحيي أصلك يا اخ فاعل خير يا أصيل ماشاء الله اسم على مسمى حبيت اشكرك على جهودك الطيبة وأقول لك (( الدال على الخير كفاعله ))
ومن سهل على مؤمن كربة من كرب الدنيا ، سهل الله عليه كربة من كرب الآخرة ،
الله وجزاك كل خير انت وجميع القائمين على هذا الموقع
ويا ريت يا اخ فاعل خير ان تعلمني كيف السبيل للتواصل معك مباشرة للأهمية
منتظر ردك أدامك الله وحفظك |
133
|
ام احمد |
النروج |
تحيه طيبه
انا عندي سؤال ارجو الاجابه عليه وهو انني املك لجوء سياسي منذ 26.11.2007 ولقد سالت الموظفه عن وقت التقديم علئ الجنسيه النروجيه فقالت انه يحق لي التقديم بعد سنه وثمانيه اشهر حيث يكون قد اكملت 7 سنوات الا ان البعض يقول ان الاجئ السياسي يستطيع اخذ الجنسيه ب 5 سنوات فقط فهل هذا صحيح
وهل يوجد ماده قانونيه لذلك لقد سالت كثبرا ولم احصل علئ اجابه شافيه لذلك ارجوا ردكم واذ امكن ارسال نسخه من الرد علئ اميلي
مع الشكر لكم
|
132
|
ماعندي حظ بهاي دنيا |
نرويج ظالمة |
أنهى البرلمان الأوربي العمل على تعديلات مقترحة لأحكام أتفاقية دبلن التي تنظم التعامل الموحد في قضايا اللجوء في بلدان الأتحاد الأوربي. وقالت سيسيليا فيكستروم عضو البرلمان الأوربي عن حزب الشعب في السويد أن أهم تعديل سيدخل على الأتفاقية يتعلق بأمكانية قيام بلد آخر ولأسباب إنسانية بمنح اللجوء الى طالب لجوء، قدم في البدء الى بلد آخر من بلدان الإتحاد الأوربي.
وفي حال أقرار هذه التعديلات سيكون بأمكان حالات مثل حالة الصبي الأفغاني الحصول على اللجوء في السويد، رغم أنه وصل أولا الى إيطاليا وتعرض لأعتداءات جنسية وبدنية فيها.
سلام عليكم فاعل خير بخصوص هذاا خبر ماتنفذ والله اني هنا تعبان كلش وحائل وماعرف شنو اسوي صاري ٤ سنوات وعند ٢ رفض وطرد وكاعد بكمب بس نفسيتي تعبت واريد حل منك وهذا ممكن اميل مالتك وشكرا الك
|
131
|
فاعل خير |
اوسلو |
السلام عليكم ورحمة الله وبركاته
الى الاخت نادية من الكويت
اهلاً وسهلاً بكِ اخت نادية
وبكل اخواننا الصوماليين
بالنسبة للبصمة فأكيد اساساً ومبدئياً انهم عارفين وضعك ووضع اقامتك وبصمتك فماحاجة تكذبي عليهم لان الكذب راح يضعف من قضيتك لان كل معلوماتك الحقيقة انتِ سلمتيها بيدك للسفارة النرويجية اي بما معناه كل شي خاص بكِ موجود بدائرة الهجرة
اما بالنسبة للجوء فأنظري لقضية الاخ ابو العلاء لان فيها الشرح الكثير والمشابه لقضيتك وهي اسفل مشاركتك
واما سؤالك عن اقامتكِ بالكويت فقولي لهم ان الاقامه انتهت والكويت تريد ترحلني على بلدي وانا عندي مشاكل على بلدي ولا اريد العودة فيها واكيد انتي عندكِ قضية ولازم تكون مقنعه
والصوماليين يحصلون على الاقامة في النرويج بنسب كبيرة وبالاخص النساء ولكن اكيد يكون عندهن ملفات وقضايا مقنعه وقوية وان شاء الله سوف تحصلين على الاقامة ولاتفكري لانهم سوف يستقبولكِ في النرويج
وان شاء الله ربي يسهل امرك ويوفقك
مع السلامة |
130
|
نادية |
الكويت |
مرحبا
أخي عندي سؤال ضروري تجاوبني عليه ...
أنا بصراحة قدمت طلب فيزا على النرويج وأخذت فيزا ولكن تم تبصيمي بالسفارة.
السؤال ..
هل إذا قدمت لجوء سوف يرجعوني للكويت على الرغم من إني شوف ألغي إقامتي فيها ... بصراحة أنا من الصومال وسمعت إنه الصوماليين قضيتهم قوية ولا يمكنني العودة للصومال ...
فهل سوف يمكنني تقديم اللجوء ؟؟؟حتى لو وجدوا بصمتي ؟؟؟
وشكرا لك |
129
|
فاعل خير |
اوسلو |
السلام عليكم ورحمة الله وبركاته
الى الاخ ابو العلاء
اخي الكريم
بالنسبة لفيزتك هذه الفيزة فيها بصمة يعني اذا ردت تطلب لجوء فعليك ان تطلب اللجوء في النرويج فقط لانك اذا ذهبت لاي دولة اخرى فانها سوف تطبق عليك قانون دبلن وتعيدك الى النرويج لان تعتبر لديك بصمات فيها
واما بقضية اللجوء فأي شخص يدخل النرويج ويقدم لجوء سواء كان حاصل على الفيزا منها او داخل اليها بصورة غير رسمية فهي ملزمة بالنظر في قضية لجوءه يعني ان شاء الله راح يعاملونك حالك حال اي طالب لجوء لان هذا قانون دولي مادام انته داخل الاراضي النرويج راح تعامل مثل معاملة اللاجئين
(الا اذا كان هناك شروط قبل لايعطونك الفيزا او هناك قانون اخبروك به قبل ان يعطوك الفيزا يجبرك على المغادرة فهذا شأن اخر) وفوق هذا كله هم تقدر تقدم وتحطلك محامي
اذا قدمت لجوء ان شاء الله واعتبروك من طالبي اللجوء
راح تروح كامب مؤقت تقعد فيه فترة وتعمل مقابلة على اساسها يشوفون انك تستحق الاقامه او لا بعد ماتعمل مقابلة يقولون لك انتظر لحين مايطلع اسمك ونوديك كامب دائم.
عندما تحول الى كامب دائم ولكون عندك عائلة راح يعطونك بيت كامل يعني مثلاً غرفتين وصالة ومطبخ وحمام (اجلكم الله) خاص بيكم يعني مكان للسكن خاص بيك وبعائلتك الكريمة وراح تحصل على مبلغ مالي انت 3200 وزوجتك 3200 كرون بالشهر
واطفالك راح يصرفولهم مبلغ مالي يكفيهم ودائرة الهجرة الي تقيس شكد هذا المبلغ على عمرهم او وضعهم الصحي او اسباب اخرى واذا كان اطفالك اعمارهم تحت ال 18 راح يدخلون مدارس نرويجية واعتقدماراح يتعبون في تعليم اللغه لان الاطفال بسرعه يحفظون ويتاقلمون
واذا كانوا فوق 18 راح يدخلون مدرسه لتعليم اللغه النرويجية خاصه باللاجئين
اما بالنسبة للعلاج فنظام النرويج اذا دفعت مبلغ 2000 كرون او فوق 2500 كرون بالسنه باقي العلاج راح يكون مجاني يعني ماعليك الا ان تدفع 2500 كرون او 2000 والباقي كله عليهم(المبلغ الي تدفعه بين 2000 او 2500)
بصراحة مخربط بين المبلغ ولكن هو مابين هذه وهذه
طبعا خلال سنه
وبالنسبه للرد بالقبول او الرفض فالنرويج متشددة باجرائاتها مع اللاجئين ولكن تعطي اقامه للي عنده قضية قوية ومقنعه وانتة يا اخي بالحالتين راح تجي يعني توكل على الله وربي يوفقك ويسهل امرك ان شاء الله اما بشكد يجيك جواب فهذه ماكو احد راح يقدر يجاوبك عليها لان النرويج بالرد ماكو احد يقدر يخمن ناس تجيلهم جوابات بثلاث اسابيع وناس ب 6 اشهر وناس بسنه وناس بسنتين
اسف على الاطالة ولكن حبيت افيدك ولو بشيء بسيط واذا كان عندك اي سؤال انا بخدمتك وبخدمة اخواننا من كل مكان
تحياتي لك اينما كنت
مع السلامة |
128
|
فاعل خير |
اوسلو |
السلام عليكم ورحمة الله وبركاته
الى الاخ سها
اختي لاشكر على واجب
وهذا واجبنا ان نقف مع اخوتنة في الغربة ونسأل الله العظيم ان يسهل امرنا ويفرجها علينا جميعاً
امين يارب العالمين
اما بخصوص سؤالك
اختي مادام انتي راح ترجعين طوعياً ماكو شي اسمه سنتين انا ماسمعت شخص رجع طوعي وصارله منع سنتين وعندي اصدقاء كثير من النرويج ومن خارج النرويج رجعوا طوعي وكعدوا سنه بالعراق وراها رجعوا للاتحاد الاوربي فما اعتقد اكو مشكله بالموضوع على العموم اكيد عندك محامي الخاص روحي واسئليه وراح يعطيكي الجواب الشافي واتوقع مثل ما انا قلت لك
اما بخصوص انه يأثر او لا فما اعتقد يأثر
وبالنسبة لاطفالك فأنا اشوف انه للافضل سجليهم بأسم ابوهم حتى يحصلون على الاقامة وتشملهم كامل الحقوق وتكون لك الافضلية بالعودة بسرعه الى النرويج ان شاء الله
واذا فكرتي ترجعين للعراق ف فترة لم الشمل تطول من 6 اشهر الى سنة
واذا شفتي نفسك مترددة لاتقدمين على شيء قبل ان تسئلي اكثر وتستفسري اكثر لديكي المحامي ولديكي مكتب (NOAS)
هذا مكتب مختص بمساعده اللاجئين وماعليكي من كلام الطابور الخامس يقولون مايفيدون لا يفيدون ويعطونج الكلام الشافي ان شاء الله وتقدرين ان تسئلي منظمة ال (IOM)نفسها اذا كان راح يصير عليج منع سنتين او لا
اسئل الله العظيم بأنني وفقت بالاجابة عليك
ربي يسهل امرك ويوفقك ويلم شملك بزوجك واطفالك انه على كل شي قدير
مع السلامة |
127
|
فاعل خير |
اوسلو |
السلام عليكم ورحمة الله وبركاته
الى الاخ عماد
اخي هناك اسباب عديدة تجعلك تنتقل بكل سهولة الى اي مدينة تريدها في النرويج
ومنها اذا كان لديك قريب من الدرجه الاولى في هذه المدينة اقصد(اب.ام.اخ.اخت.زوج.زوجة.ابن.بنت)
او كان لديك عمل هناك يعني حصلت على وظيفة في هذه المدينة
او كان لديك قبول جامعي في جامعه في درامن او قريب عن مدينة درامن او كنت مريض لاسامح الله وعلاجك يكون في احدى مستشفيات هذه المدينة هذه الامور الي تقدر تخليك تحول مدينتك واذا كان هناك امور اخرى فلا علم لي بها
والافضل لك ان تذهب الى مسؤؤلك وهو يشرح لك ماهو لك وماهو عليك
تحياتي لك اينما كنت
مع السلامة |
126
|
ابو العلاء |
الامارات |
اخي الكريم انا حصلت على فيزا شنغن من السفارة النروجية انا وزوجتي واطفالي وعندي أوراق على انهاء خدماتي ويجب علي المغادرة خلال شهرين ولا استطيع ان اعود لاني مطلوب لجهة ظلامية متشددة وعندي اوراق عن الموضوع في حالة أني وصلت للنرويج وقد بصمت بسفارتها كيف ستتم معاملة طلبي اللجوء وهل وجود أطفال ثلاثة ورابعهم سيأتي بعد شهرين هل يعطيني دفعة للإمام ام للخلف وهل اخفي جوازات سفري واذا لم اخفها فهي لديهم صورة ولن اؤلف اي قصة لان قصتي قوية وطويلة مع العناء //ارجو المساعدة والإجابة وجزاكم الله كل خير وبركة |
125
|
عراقي |
Norway |
إلى الأخ فاعل الخير
الله يريح قلبك وجزاك الله كل الخير لكم وللرابطة... |
124
|
فاعل خير |
اوسلو |
ا
لسلام عليكم ورحمة الله وبركاته
الى الاخ عراقي من النرويج
بالنسبة لسؤالك اخي اظن انه لاتوجد هناك مشكلة بعمل لم شمل والعودة الى النرويج ولكن يجب ان تغادر الاتحاد الاوربي يعني اصبر6 اشهر او سنه وارجع
يعني لم شمل اكيد راح تطول شغلتك بين 6 اشهر الى سنة ف ما اعتقد فيها شي
لان لدي صديق عراقي كان يشتغل بالابيض ولكن ليس لديه اقامه ولكن بعد حصوله على رفضين ظل يشتغل بالاسود لمدة سنتين وصار عنده ديون وقضايا بالشرطه ورادوا يسفروه قسرياً بسنة 2010 ولكنه طلب العودة ورجع بصورة طوعية عن طريق ال (IOM)
ورجع للعراق وراها بسنه راح لغير دولة بالاتحاد الاوربي وقدم بيها لجوء لكون اهله حاصلين على الاقامه هناك
يعني ما اعتقد اكو مشكله عليك لانك رجعت بصورة طوعية كثير شباب رجعوا بصورة طوعيه وكعدوا بالعراق فترة ورجعوا لاوربا
ولاتنسى انته راح ترجع بصورة لم شمل يعني مالهم علاقه بقضية اللجوء والبصمة مادام انته مغادر الاتحاد الاوربي فماعليك شي لاتفكر اخي
ربي يوفقك ويسهل امرك
مع السلامة
|
123
|
سهى |
النرويج |
الى الاخ فاعل خير السلام عليكم ورحمه الله وبركاته اشكركم على جهودكم المبذوله اني عراقيه قدمت على اللجوء بس حالي حال هوايه ناس طبعا محصلت الاقامه وعندي رفضين وطرداتزوجت اهنا بس مقبلو يسجلون زواجي لان ماعندي جواز واطفالي محصلو الاقامه مع العلم انو ابوهم عنده الاقامة الدائمة وهمه اهنا ولدو سوالي هو انو طلبو مني ان اخلي مسؤليتي عن الاطفال ل ابوهم حتى يحصلو على الاقامه واني اريد ارجع للعراق وزوجي يسوي لم شمل لانو هو مستوفي كل الشروط من العمل والدخل السنوي والاشياء الاخرى فهل الشي هذا ياثر علينا اذا رجعنا للعراق وسوى لم شمل وهل صحيح انو لازم ابقى بالعراق سنتين بعده يكدر يسوي لم الشمل بسب الطرد الي عندي ارجو افادتي بشي اذا عندكم معلومات حول هذا الموضوع مع جزيل الشكر |
122
|
عماد |
النرويج |
السلام عليكم
اخي الفاضل فاعل خير عندي سؤال اذا واحد يريد يحول الى غير مدينة شلون يكدر يقدم طلب اذا هو عندة اقامة دائمية بالنرويج ويريد يعيش بمدينة كبيرة مثل درمن وشنو شروط التحويل ووين يكدر يقدم الطلب وين يكدر يحصل على الاستمارة حتى يعبي طلب النقل الى المدينة الي يريد ينتقل الها
مشكور اخي فاعل خير على جهودك في الاجابة على الاسئلة والله يجازيك كل خير والى الرابطة العراقية |
121
|
عراقي |
Norway |
سلام عليكم
أخي الكريم عندي استفسار حول الي يرجع من نرويج بشكل طوعي بعد ما عاش اربع سنين اسود وكان مشتغل على ورقة سكات بس هـل يستطيع أن يرجع مرة ثانية النرويج عن طريق زواج او لجوء؟ لن اكو منظمة اسمهـا Seif واني استفسرت منهـم او قال انو احتمال كبير يسولك منع سنتين إذا تريد ترجع او تسوي لم شمل لأنك كنت عايش بدون أوراق اهـنا..هـل هـذا صحيح؟أرجو منكم النصيحة وجزاكم الله ألف خير |
120
|
فاعل خير |
اوسلو |
السلام عليكم ورحمه الله وبركاته
الى الاخ عمار من واسط
عذرا نسيت ان اكتب لك عن العلاج
اكيد اذا وصلت للنرويج راح يكون في علاج
ولكن عندما تكون لاجئ راح يكون علاجك محدود
بس اذا حصلت على الاقامه راح يكون علاجك افضل وان شاء الله راح تدخل مستشفى ويعالجوك حسب ما اعتقد
مع السلامه |
119
|
|
|
ا
لسلام عليكم ورحمة الله وبركاته
الى الاخ عمار من العراق -واسط
أهلاً وسهلاً بك اخي الكريم
واسئل الله العظيم انه يشافيك ويعافيك
الهم شافه وعافه شفاء لايغادر سقماً امين يارب العالمين
اخي العزيز بالنسبة للنرويج لم تغلق اللجوء واللجوء مفتوح للي قضاياهم قوية
وحسب مافهمت من كلامك انك مريض مرض قوي جداً
النرويج تنظر للقضايا الانسانية لكن عليك ان تأتي بدون ان يعلموا انك اتيت بفيزا شنغن او اي فيزا لانهم بهذه الحالة سوف يعيدوك الى اول بلد وصلت فيها او اول بلد بصمت فيها ويطبق عليك قانون دبلن ولكن ان وصلت ولم تبصم في اي دولة ولم يعلموا انك اتيت عن طريق فيزا ممكن انهم يعطوك الاقامه الانسانيه حسب الحالة الي شرحتها لي ولكن غير هذه الحالة فلن تحصل على الاقامه ورغم كل هذا ماراح اقدر اقولك ان 100% راح تحصل لان النرويج جدا متشدده
واحسب حساب انك شلون راح توصل الى النرويج لانها بلد بعيده في اقصى شمال اوربا فأحسب كيف راح توصل لهذه البلد وانت بهذه الحالة المرضية الصعبة
ملاحظة(انا قلت لك ممكن تحصل ليس معناه انك اذااتيت الى النرويج راح تحصل لا يا اخي فأحسبها زين قبل لاتخطي اي خطوة).
استخير الله وسبحانه وتعالى
واسئل واستفسر من معارفك الي بكل اوربا وليس فقط بالنرويج اذا كان عندك قبل لاتخطي هذه الخطوة لانها مو سهلة
بالتوفيق لك وربي يعطيك الصحه والعافية امين يارب
ارجو الله تعالى بأنني وفقت بالاجابة على سؤالك
مع السلامة |
118
|
فاعل خير |
اوسلو |
السلام عليكم ورحمة الله وبركاته
الى الاخ ابو احمد من هولندا
بالنسبة للطريق الي في (Begen)بيرغن
لاتصدق شائعات اللاجئين لان اللاجئين الي في النرويج موقادرين يطلعون الى كندا فما بالك ان انته في هولندا
يعني حتى لو كان هناك طريق فقليل من الناس تطلع ونادراً جداً اما عني فلم اشوف ولم اسمع اي شخص طلع عن طريق بيرغن الى كندا لابباخرة ولا بطيارة ولا غيرها علماً بأن لدي الكثير من الاصدقاء الساكنين بالكامبات الي في بيرغن والكثير من المقيمين والمجنسين في نفس المدينه ولم اسمع اي خبر مما ذكرت
سوى الاشاعات التي تصل لكم
ان هناك طريق في بيرغن ولكن شي ملموس لايوجد وراح اتصل على اصدقائي ومعارفي في هذه المدينه واشوف ولو كان موجود طريق فماراح ابخل عليكم بيه وراح انشره في موقعنا الكريم
تحياتي لك اينما كنت
مع السلامة |
117
|
فاعل خير |
اوسلو |
السلام عليكم ورحمة الله وبركاته
الى الاخ عراقي في النرويج
اخي حياك الله في كل وقت نحن بخدمة اخواننا اللاجئين اينما كانوا
بالنسبة لك يااخي الامم المتحدة ليس لها اي صلة بالموضوع ولكن هناك محكمة نرويجية تابعه لوزارة العدل النرويجية تسمى (UNE) ممكن انهم اخبروك بهذه المحكمة وليس الامم المتحدة على كل حال الظاهر انته مستعجل على روحك يااخي لاتستعجل وخليها على الله لان اذا كثرت من مراجعاتك ممكن هذا الشيء راح يضر بقضيتك لانهم يريدون الحجه على اللاجىء بهذا الوقت
لانه راح يقولون اذا كنت صحيح مضطهد او صاحب قضية قوية فاصبر لانك الان بأمان وماعندك شيء لماذا العجلة هكذا نظامهم خليها على الله والله كريم
ربي يوفقك ويسهل امرك
مع السلامة |
116
|
فاعل خير |
اوسلو |
ا
لسلام عليكم ورحمة الله وبركاته
الى الاخ اسامه من ليبيا
النرويج فيها لجوء ولكنها صعبة التعامل مع اللاجئين يعني تحتاج اثباتات قوية جداً وحجج دامغه لكي يقتنعون بانك تحتاج للجوء ولاتخبرهم انك اتيت بفيزا شنغن الى الاتحاد الاوربي قول لهم اتيت تهريب لان لو عرفوا انك اتيت فيزا راح يرجعوك للبلد الي اعطاك الفيزا ويطبق عليك قانون دبلن
ربي يسهل امرك ويوفقك
مع السلامة |
115
|
عمار |
العراق - واسط |
اخي الكريم (فاعل خير) السلام عليكم ورحمة الله على موتاك عندي استفسار وارجو منك ياطيب ان اتفيدني وربي ايجازيكم بالخير وكل الطيبين القائمين على هذا الموقع ... اخي انا اشكو من مرض مزمن لاعلاج له مع ٧٠% عوق وبصراحة لاتوجد الامكانيه الماديه للعلاج لاداخل العراق ولاخارج العراق لانني غير قادر على العمل ولا احصل على اي اعانه سوى لطف رب العالمين وبعض الخييرين ... والسؤال ياترى هل يمكن الحصول على العلاج والعنايه والاقامة لأسباب انسانية في النرويج وهل يحق للمريض طلب اللجوء الانساني وما هي فرص الحصول عليه في النرويج .. ارجو منك ومن كل الطيبين النصيحة وجزاكم الله الف خير ... فقرة النرويج - الاخ فاعل خير |
114
|
abu ahmed |
مرفوض في هولندا |
اخوان هل يوجد طريق سري بالبواخر من مدينة Bryggen النرويجيه الى كندا ؟ |
113
|
عراقي في النرويج |
النرويج |
السلام عليكم اخي فاعل خير
اشكرك جدا لجوابك على استفساري اخي العزيز و طمعان بيك شويه تفهمني على هاي النقطه اذا تعرف عنها شي
اليوم اتصلنا على اليو دي اي و كالو ملفك بقسم اسمه FN يعني UN الامم المتحده و لحد هسه مخاليلك كيس وركر
هل تعلم ماذا يعني هذا الجواب او على الاقل لديك تقدير لما يحصل ؟
شكرا جزيلا مره اخرى |
112
|
أسامة |
ليبيا |
أخي الكريم أنا ليبي مقيم بطرابلس عليا ضغوطات أمنية وتهديد أريد السفر للنرويج وطلب اللجوء وعندي تأشيرة عمل شنغل من سفارة ايطاليا بطرابلس أرجوا افادتي أفادكم الله؟ |
111
|
فاعل خير |
اوسلو |
ا نتحار طالب لجوء في النرويج بسبب الضغوط النفسية التي يمر بها بذلك يكون قد بلغ عدد اللاجئين الذين انتحروا من بدايه عام 2012 الى هذه اللحظه 18 لاجئاً علماً ان سنة 2011 قد انتحر 20 لاجئاً وذلك بسبب السياسية التعسفية التي تمارسها النرويج على اللاجئين العراقيين عرباً وكرداً
وهذا رابط الخبر بالنرويجي
http://www.nrk.no/nyheter/distrikt/nordland/1.8346026
سياسة تعسفية بشعة يتركون اللاجئ بدون جواب لفترة طويلة
او يجاوبونه بسرعه ويتركونه يعاني في الكامبات لحين القلق والفزع والتعرض للحالات النفسيه وهذه كلها حرب نفسية على اللاجئين ويقولون حقوق انسان !!!!!!!!! |
110
|
فاعل خير |
اوسلو |
السلام عليكم ورحمة الله وبركاته
الى الاخ عراقي في النرويج
بالنسبة لتأخرك فهو شي عادي لاتهتم ولاتفكر لان سياسية اللجوء في النرويج مبهمة وليس لهم مسار معين يمشون عليه يعني اكو ناس يردون عليهم خلال شهر واكو ناس يطولون عليهم سنه او سنه ونص فلاتقلق
نصيحة**** (لاتهتم لكلام الناس لان ماعدهم غير الاشاعات)
واصبر واستغفر
قال تعالى بسم الله الرحمن الرحيم
(فقلت استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا) صدق الله العظيم
انصحك بالصبر والدعاء ولاتقلق فكل شيء بامر الله عز وجل ومايصير الك الا الشي المكتوب عليك والي رب العالمين يشوفه خير الك .
فلا تجزع ولا تقلق
واعلم ان التشدد في سياسة اللجوء في كل اوربا وليس في النرويج فقط ....
تحياتي لك اينما كنت |
109
|
عراقي في النرويج |
النرويج |
السلام عليكم و رحمة الله و بركاته
اخويه العزيز المحترم
انا قدمت الى النرويج منذ شهر الواحد 2012 و عملت المقابله في شهر 2 و لحد الان لم يأتيني رد على الرغم من مرور 8 اشهر لحد الان على المقابله علما ان العديد من العراقيين معي في الكامب حصلوا على الجواب خلال شهر فهل هناك مشكله في قضيتي ؟
شكرا جزيلا |
108
|
فاعل خير |
اوسلو |
السلام عليكم ورحمة الله وبركاته
الى الاخ محمد من سوريا
هناك احتمالين
**الاول**
اذا لم تبصم بالسفارة النرويجه قبل استلام الفيزا
فأنك تستطيع طلب اللجوء في النرويج لانها هي التي اعطتك هذه الفيزا ولكن لا انصحك بأن تقدم اللجوء في النرويج لانه 99% راح يعطونك رفض لان يحسبون انك مقيم في دولة قطر
وليس هناك ماهو مقلق بالنسبة لك لكون هناك دولة محتضنتك وعاطيتك الاقامة فيها ولانك قادم بفيزا سياحية اي انه من حقك بهذه الاقامة ان تمارس جميع حقوقك وليس هناك اي ضغوط عليك
***(فأفضل لك ان تاتي الى النرويج ومن ثم تخفي الجواز الي فيه الفيزا وتدخل الى السويد)
وتطلب لجوء هناك بدون ذكر اي شيء عن اقامة قطر لانها سوف تضرك
واذا سألوك كيف اتيت لاتخبرهم بانك اتيت بفيزا من النرويج ولا من اي دولة اخبرهم انك اتيت عن طريق مهرب اخذك من( تركيا او من اليونان ) صعدني بشاحنه وماشفت شي بعدها الا وانا بمحطة باصات صعدني بالباص وقال لي اجلس هنا لحين توقف الباص فهذا الباص سوف يأخذك الى السويد ولاتكثر معاهم بالكلام
وانسى موضوع الفيزا الي اجيت بيها والاقامه الي عندك بقطر
واياك ان تطلب لجوء بالنرويج فانك سوف ترفض بنسبه 99%
ولكن سؤالي هو هل عندما تأخذ الفيزا سوف يبصمونك في السفارة ام لا ؟
اذا بصموك فأعلم ان البصمة سوف تظهر في جميع دول الاتحاد الاوربي وتعتبر النرويج هي اول بلد احتضنك وسوف تجبر ان تقدم اللجوء فيها....
****الاحتمال الثاني
ان يأخذوا بصمتك في السفارة النرويجة قبل ان تستلم الفيزا وهذا معناه انك يجب ان تطلب لجوء بالنرويج لانها هي التي اصبحت مسؤؤلة عن قضيتك في حال طلب اللجوء واذا طلبت اللجوء في دولة اخرى سوف يطبق عليك قانون دبلن باعتبار انه لديك بصمات في النرويج.......
ان شاء الله ربي يسهل امرك ويوفقك ويسهل امر جميع اللاجئين امين يارب العالمين.
هذا الي اعرفه عن موضوعك واسأل الله العظيم
بأنني وفقت في الاجابة على سؤالك يااخي الكريم
تحياتي لك اينما كنت |
107
|
عمار محمد |
سورية |
السلام عليكم
أنا سوري مقيم في دولة قطر هربت من سوريا منذ سنة,
في حال حصلت على تأشيرة سياحية إلى النرويج هل يمكن تقديم لجوء هناك ؟ وما الطريقة ؟
أرجو المساعدة |
106
|
فاعل خير |
اوسلو |
االسلام عليكم ورحمة الله وبركاته
الى الاخت لينا انا اسف كان خطأ مطبعي كتبت الاخ لينا
وهو بالاصح الاخت لينا فأرجو ان تقبلي اعتذاري
وبالنسبة للاخ عراقي ووالديك اخوية هذا واجبي ان اخدم واساعد الناس الي المحتارة بهالظروف القاسية الي يمر بيها اللاجئين بكل اوربا تسلم على مشاركاتك ومساعدتك للناس وكثر الله من امثالك
تحياتي لك اينما كنت
مع السلامة |
105
|
عراقي |
النرويج |
الى اللاخ فاعل خير
صحيح اني صارلي اكثر من سنتين سويت المعامله. اذا هسه اتغيرت الامور فبصراحه ما اعرف..بس الي اتعلمته بالنرويج انه مرات امور تصير وتمشي بشكل ما يتوقعه العقل.
ثق بالله اعرف شخص اتزوج بالسكات وهو ما عنده جواز سفر ودبلن سويد هماتين...اتزوج بالهويه مال اللاجئين..الشخص نفسه هو ما امصدك..قصدي انه ما يخسر شي اذا سوا محاوله عند السكات مشت, خير على خير ما مشت فيروح للحلول البديله. واذا كلش ظروفه ما تسمحله يرجع للعراق او البنيه وضعها ما يسمح انه تسافر للعراق علمود تسوي عقد الزواج هناك..فيكدرون يتزوجون بالسويد..بس بشرط يكون مسجل بالهحره السويديه يعني دبلن...وشغله ضروريه اذا مجنسه نرويجي ..لان اذا بس مقيمه فللاسف راح يكون الطريق صعب وطويل .اني ما اشجعه انه يدوخ نفسه ويتمرمط بين السويد والنرويج...بس مرات ظروف الانسان تحكم..ولو يكدر يرجع للعراق ويسوي المعامله مناك فاحسن شي علمود يخلص من دوخه الراس...وهسه الوقت كلش مقصرينه يعني حتى توصل 3 اشهر ويجاوبون على المعامله.
بالتوفيق للجميع ورحمه الله والديك على مساعده اخوتك |
104
|
فاعل خير |
اوسلو |
السلام عليكم ورحمة الله وبركاته
الى الاخ لينا
ربي يفرج عليكم وعلى جميع اللاجئين اينما كانوا امين يارب العالمين
اما بالنسبة لكم فتقدرون تقدمون على طلب ورقة عمل عن طريق مكتب السكات الي موجود بنفس المدينه الي ساكنين بيها تعطينهم جوازاتكم الايطالية وكلشي يطلبونه منكم واهمه يكولون لكم شنو المطلوب واعتقد تستطيعون ان تقدموا على ورقة العمل ولكن هذا الشي يبقى بيد دائرة الهجرة
بس بالقانون يحق لكم لانكم تعتبرون مقيمين في احد دول الاتحاد الاوربي وشكرا
مع السلامة |
103
|
فاعل خير |
اوسلو |
السلام عليكم ورحمه الله وبركاته
تعقيباً على كلام الاخ عراقي
اخي كلامك صحيح ولكن هذا الشي اقفل ولايتم العمل به الان
لان القانون الجديد يقول بمجرد ماياتيك رفض راح يرفضون تسجيل زواجك بالمحكمة الكلام الي تقوله كان سابقاً والان مايصير لان لدي صديق يريد يتزوج بالمحكمة ماقابلينه وجالس معاي بنفس البناية والاخ الدليمي اخبرنا بانه لديه رفضين ومعناه ان قضيته انتهت وانسدت وللعلم نظام النرويج اي شخص يحصل على الرفض الثاني يجيه وياها بريد يقوله عليك بمغادرة النرويج خلال اسبوعين او سوف نتصرف معك بصورة قسرية وطبعا اللاجئ راح يبقى ميطلع ويظل لحين مايجي قرار بتسفيره اي بما معناه اخونا ملفه مسدود ومنتهي ومايفيده غير مغادرة الاتحاد الاوربي
والله من وراء القصد |
102
|
عراقي |
النرويج |
الى الاخ ماجد الدليمي
اخويه العزيز اي تكدر تتزوج وتقدم من داخل النرويج والك حق تبقى بالنرويج لحين البت بمعامله لم الشمل الي راح تتقدم بيها, بس اول شي لازم تكمل معامله الزواج بالسكات قبل لا يجيك الطرد من اليو دي اي, لان السكات راح تقدم طلب لليو دي اي تطلب موافقتها علمود زواجك وانت مادام قضيتك بعدها مفتوحه فاليو دي اي ما عنده مشكله انه يرسل موافقه للسكات علمود الزواج. وهم لازم تقدم معامله لم الشمل قبل لا ينغلق ملفك. اذا انغلق ما تكدر تقدم من داخل النرويج. بس اكو حلول بديله اذا لا سامح الله انسد ملفك قبل لا تقدم معامله لم الشمل..ابسطها تروح تقدم لجوء بالسويد وتقدم المعامله من السفاره النرويجيه بالسويد او لمن يرجعوك للنرويج بسبب بصمه الدبلن تكدر تقدم من داخل النرويج. طبعا الوقت مو مثل قبل هسه التقديم يصير عن طريق النت والمعامله يجاوبون عليها بين الشهرين وال6 اشهر.
بس ملاحظه جدا مهمه قبل لا تقدم على الزواج ولم الشمل
هل الفتاة تعمل وهل لديها دخل سنوي اكثر من 242400 كرونه؟ وهل كانت السنه السابقه الي قبل تقديم المعامله تعمل ودخلها السنوي السابق 232880 كرونه؟
اخي اني جاي احجي من تجربه ولعبوا بيه طوبه يلا حصلت الموافقه..اتمنى انه بس تتأكد من القنوانين ومن المتطلبات لمعامله لم الشمل علمود تعرف هل الخطوه محسوبه ام لا. كل المعلومات والمتطلبات موجوده بموقع اليو دي اي تكدر تقراها وتتأكد. بالمناسبه ماكو هنايه شغله يلا راح يغلسون على هالنقطه بسبب كذا او كذا صدكني
واي استفسار اني حاضر
|
101
|
فاعل خير |
اوسلو |
السلام عليكم ورحمة الله وبركاته
الى الاخ ماجد الدليمي
القانون النرويجي سوف يجبرك على مغادرة الاتحاد الاوربي لحين ماتعملك زوجتك معاملة لم الشمل وطبعاً انتة قلت انها مقيمة فبما انها مقيمة فلذلك راح يشملها قانون الاربع سنين شغل او دراسة يعني راح تنجبر البنت ان تشتغل لمدة اربع سنوات وتدخل مبلغ للدولة235000 الف كرون تقريباً بالسنة وهذه لغاية اربع سنوات وبعد الاربع سنوات يسمح لها بتقديم المعاملة
وهذا القانون يستثنون الذين لديهم اقامةعمل او اقامة دراسية او كانت مواطن من دول الشمال او كانت قد تزوجت قبل بداية سنة 2010 اي قبل صدور القانون
او كان عمرها 67 سنة(وهذه مستحيلة للم شمل زواج)
او كان لديها جنسية
ولكن الي عنده اقامه سوف يجبر بهاالاربع سنوات وانت سوف تضطر الى مغادرة الاتحاد الاوربي وطبعاً اذا حبيت تتزوج وتنجب منها اولاد نفس الشي واكيد لكل قانون استثناء ولكن ممكن يمشون امرك بنسبة 2% وهذه نسبة ضئيلة جداً وتعتبر هذه مجازفة لان هناك الكثير من التجار ب الفاشلة لهذه القضية
عالعموم الله يعينك يااخي كان بودي اعطيك خبر مفرح ولكن قوانين النرويج جداً صارمه ومجحفة بحق اللاجئين
وهذا القانون صادر من دائرة الهجرة النرويجية UDI
اذا تحب تقراه بنفسك
http://www.udi.no/Sentrale-tema/Familieinnvandring/Krav-til-personen-som-bor-i-Norge-referansepersonen/Kravet-om-fire-ars-arbeid-eller-utdanning-i-Norge/
تحياتي لك اينما كنت
|
100
|
لينا |
حاليا النروج |
السلام عليكم ورحمة الله وبركاته في البدايه احب ان اشكرمندوب الرابطه العراقيه على اهتمامه والرد على الاسئله0والله لااعرف كيف ابدء كلامي لان الموضوع يطول شرحه ولانها ماساةعوائل كثيره وفئات عمريه مختلفه لكني سوف ادخل في الموضوع حاليا انا وعائلتي المتكونه من زوجي واولادي الشباب في النروج من حوالي 3 الى4 اشهر اتينا من ايطاليا الغبره ونحن حاصلين على اللجوء السياسي فيها(الله يجرم)ولكن شنو الفائده بعد ماطردونا في الشارع الجمعيات المسؤله عن اللاجئين ورفعوايدهم عنا في كل شي وذهبنا الى المفوضيه ووزارة الداخليه ولكن للاسف دون جدوى وبماانه لايوجد فرص عمل هناك رغم مساعي الاولاد وزوجي على فرصة عمل حتى لو بسيطه ولكن بدون فائده0فقدمنا الى النروج املا في العمل والعيش ولكن لقينا ايضا صعوبه في ايجاد العمل وعندما وجدنا فرصة عمل طلبو من عندنا ورقة عمل ونحن لانعرف من اين نحصل عليها وهل لنا الحق في الحصول عليهاومن اين وماهي الاجراءات؟وشكرا |
99
|
ماجد الدليمي |
النرويج |
السلام عليكم
الى اعضاء الرابطه المحترمين
اني عراقي صارلي سنتين بالنرويج وعندي رفضين
اتعرفت على فتاة كردية وارغب بالزاواج بها على سنة الله ورسوله هل سوف يبقوني في النرويج ام سوف يجبروني على المغادرة واهيه الي تعملي لم شمل وكم سوف تطول المدة علماً انها مقيمة
وشكراً
|
98
|
فاعل خير |
اوسلو |
السلام عليكم ورحمة الله وبركاته
الى الاخ علي
تسلم يااخي وهذا واجبي ان اساعد اخواني اللاجئين
بقدر مااستطيع وان شاء الله ربي يعينني
على اجابة جميع اسئلتكم
اما بخصوص سؤالك
فمن وجهة نظري البسيطة اكولك لاتستعجل انته تعرف القوانين شوي تاخذ وقت خليك متأني بالموضوع لان من تصير امامك تجارب
راح يكون موقفك احسن وافضل لان يخليك تخطط وتفكر افضل من ان تستعجل وانا اتوقع هذا الي قلته لك
احسن من المجازفة باعتبارك راح تكون انت اول الناس
طبعاً انا اتكلم من رأيي الشخصي ولا علم لي
باكثر من ذلك
تحياتي لك اينما كنت
|
97
|
ali |
oslo |
فاعل خير اشكرك يا يا اصيل يعني هسة اكدر اروح خير دولة لو انتظر بعد اني هنا تعبان كلش وانتة تعرف نروج زين |
96
|
فاعل خير |
اوسلو |
حسب ماشفت بالاخبار
بأن القرار قد دخل في المرحلة الاخيرة لاصدار التعديلات الجديدة على معاهدة دبلن الخاصة بقواعد اللجوء
والهجرة في أوروبا
اي بما معناه ان القرار قد تم الاتفاق عليه
وقد دخل مراحله الاخيرة
يعني ان شاء الله القرار صدر
وباقي وقت بسيط للعمل به
والله اعلم |
95
|
ali |
oslo |
http://sverigesradio.se/sida/artikel.aspx?programid=2494&artikel=5260265
أنهى البرلمان الأوربي العمل على تعديلات مقترحة لأحكام أتفاقية دبلن التي تنظم التعامل الموحد في قضايا اللجوء في بلدان الأتحاد الأوربي. وقالت سيسيليا فيكستروم عضو البرلمان الأوربي عن حزب الشعب في السويد أن أهم تعديل سيدخل على الأتفاقية يتعلق بأمكانية قيام بلد آخر ولأسباب إنسانية بمنح اللجوء الى طالب لجوء، قدم في البدء الى بلد آخر من بلدان الإتحاد الأوربي.
وفي حال أقرار هذه التعديلات سيكون بأمكان حالات مثل حالة الصبي الأفغاني الحصول على اللجوء في السويد، رغم أنه وصل أولا الى إيطاليا وتعرض لأعتداءات جنسية وبدنية فيها
ممكن اعرف شوكت يتنفذ هذا قرار وشكرا |
94
|
فاعل خير |
اوسلو |
مؤتمر وزارة حقوق الانسان العراقي المنعقد في جنيف تشوبه الفوضى ويشهد طرد مسؤؤلين عراقيين بينهم وزيران من الحكومة الحالية من قبل شرطه الامم المتحدة
خبر خرافي
يدل على الحرية العجيبة للحكومة الفاسدة حتى في جنيف وفي وسط الامم المتحدة
والخبر منشور على الشرقية
وهذه فرصه لكل اللاجئين في اوربا لكي يعبروا عن معاناتهم وعن كشف فضائح هذه الحكومة الفاشلة
http://www.alsharqiya.com/?p=20242 |
93
|
فاعل خير |
اوسلو |
السلام عليكم ورحمه الله وبركاته
الى الاخ محمد اسعد
بالنسبة للجوء في النرويج مفتوح ولكن للذين لديهم قضية مقنعة واثباتات قوية جداً
ولكن نسبة الحصول على الاقامه قليلة جداً
وتعتبر النرويج حالياً من اصعب الدول تعاملاً مع اللاجئين
والحقيقة لا انصحك بالتفكير بالنرويج لانها دولة متشددة على اللاجئين وخصوصاً العرب منهم ولكن بالنسبه للجوء فهو مفتوح وحالياً يعطون الصوماليين والارتيريين بالدرجة الاولى ولكن الجنسيات الاخرى اقدر اقولك بنسبة 1% يعني من كل 100 شخص يحصل واحد على الاقامه
تحياتي لك |
92
|
محمد اسعد |
بيروت |
هل اللجوء مفتوح في النرويج
لهذه اللحظه ام لا وكم تطول مدة الانتظار هناك
وشكراً
21.9.2012 |
91
|
فاعل خير |
اوسلو |
تحية الى مندوبين الرابطة المحترمين
الرابطة العراقية
------------------ جزاك الله خير اخي فاعل خير
نرجو منك ومن اي شخص اخر ان يساعد اخوانه في الغربة قدر استطاعته |
90
|
احمد |
نروج |
http://www.mofa.gov.iq/ab/articles/display.aspx?gid=1&id=11948
ع مود تتكد هذا رابط وزير خارجية مع وزير عدل نروجي |
89
|
احمد |
نرويج |
الى اخ علي حاليا ماكو تسفير عراق صار اكثر من ٥ اشهر ماسفرو احد بعد زياره وزير خارجية |
88
|
وطن |
رد |
راح ارد على سوالك يا ali
التسفيرر مستمر و لكن بشكل انتقائي يعني مزاجهم عليمن يوكع يسفروه.. و المعلومة اكيدة ...
و اردعلى الاخ 486
مختار-- العراق
اخي حاول الابتعادج عن النرويج انت صح تاخذ لجوء سياسي بيها و لكن النرويج بلد موامين على الي عليهم تهديد حقيقي مثلك انصحك المانيا اوالنمسا . ما انصحك ب النرويج او السويد او الدنمارك ... وانت حر ..انت قضيتك قوية بس ما انصحك تحجي هواية بيها وياهم و لا تنطيهم كل المعلومات لان ما تفيدك بس وضحلهم انت عليك تهديد و خلص و لا تزيدبلمعلومات كل ما تزيد بلمعلومات كل ما طولو وياك اكثر و كل ما اعتبروك مصدر معلومات الهم ببلاش افتهمتني يعني مينطوك نوط الشجاعة على معلوماتك عن فاسدين العراق المعلومات هذي استفاد منها لمن تاخذ حق الجوء و الاقامة افضحهم على كيفك .. بس حاول لا تنطيهم اكثر من الي يثبتلهم انك في خطرحقيقي و على فكرة الي عندة قضية حقيقية ياخذ اقامة ب اي بلد اي بلد افهمتي ...ومنتجي الى اولربا لا تضلل تترتر للرايح و الجاي على معلوماتك مثل ما كلت الحكومة مشترية ذمم ناس هواية ............. وانت حر اني هذا الي اعرفه ........واسف اخوان اني ما اكدر ارد على الكل لان ما عندي وقت كافي و معلوماتي مو بكل المواضيع زينة لان اني متجنس و مبتعد عن هذي الامور حاليا ولكن بعض الاحيان بحكم العمل نعرف بعض المعلومات ... و اسئلكم الدعاء |
87
|
ali |
oslo |
ياخوان بس احد يرد علية بعد زياره وزيرخارجية عراقي نروج اكو تسفير قسري بغداد او لا احد يرد رجاء |
86
|
همسة الراعي |
درعا سورية |
أنا سورية متزوجة من فلسطيني و عندي أربعة أولاءأود فتح لجوء في السويد أنا و عائلتي علما أننا ما زلنا في سورية ولا يوجد معنا المال للسفر الى السويد و من ثم فتح اللجوء أرجو أن تفيدوني ماذا أفعل و الامور هنا صعبة للغاية في ظل الاحداث الراهنة |
85
|
syria dream |
syria |
السلام عليكم اخي الكريم ساعدني ارجوك انا اخوك من سوريا من منطقة منكوبة تحت القصف هربت من سوريا وحصلت على اقامة خليجية ولكن لا اعمل بشكل منتظم و ظروفي سيئة واريد اللجوء حيث مؤكد انهم فتحوا اللجوء للسوريين المهم اني اريد ان اعرف بحال حصولي على شنغن فرنسية هل يوجد تبصيم اصابع او عين في السفارة الفرنسية او في المطار الفرنسي لدى الوصول لفرنسا علما اني قادم مع عائلتي وماذا تنصحني بشكل عام هل اخفي بسبوري عند اللجوء لاخفاء الاقامة الخليجية التي قد تفشل اللجوء وماهو وضع السكن بالكامب هل هو مناسب وآمن لعائلة فيها طفلي الصغير وزوجتي ما هو احسن بلد اوروبي بحالتي جزاكم الله خير الرجاء الدعاء
|
84
|
حميك الغزي |
العراق |
السلام عليكم اخواني ارجو التفضل عليه بالرد المحتم
اني قدمت على اللجوء في النرويج ولم احصل على الاقامه ورجعت طوعي للعراق وبعد فتره سويت توكيل لنرويجيه تقوم باجراءات لم الشمل والمعامله تحت الدراسه السؤال هو بعد الرد والحصول على الاقامه يجوز لي ان اغير اقامتي والاستقرار بالسويد وانا متزوج من مرأة نرويجيه ؟ او يجب عليه البقاء معها هناك ؟ لانه حصلت على عرض عمل جيد واتساءل في ما اذا خسرت الاقامه بالانتقال الى السويد
تحياتي للكل |
83
|
الاعظمي |
Oslo |
تحياتي للرابطة ولمندوبيها الابطال
عندي طلب وارجوكم تنفذونه
اطلب منكم تمسحون فقرة النرويج
لان طكت ارواحنة يعني ماشفت كلام او جواب شافي اساسا ماشفت شخص انطه جواب هالناس المساكين
فلذلك ارجوكم الغوا هذه الفقره حتى نعرف وين نروح نسئل مو مخلينها عن حلفة الله
ع اساس اكو فقرة نرويج
ومو ماتنشرون كلامي
نشروه حتى الناس تشوفه
ونشوف راح يايدوني لو لا
وشكراً |
82
|
ابو احمد |
السويد |
اخي العزيز لقد اتيت الى السويد وقدمت على اللجؤ يوم 18/6/2012 وتم اكتشاف بصمتي بتاع التاشيره المالطيه التى متحصل عليها من قنصليه المالطية في بنغازي واخبرونا بدبلن وانا سوف يراسلون مالطا وعندي ابني يعاني من تضخم في الكبد والطحال نظرا لعلاجه بلكيماوي لاصابه بسرطان الدم لوكيميا مع ثقب في القلب منذ الولاده وعمره خمس سنوات وثماني اشهر وهو داون سيندروم منغولي والان في شهر سبتمبر ولم ياتي لنا اي رد من الجوازات مجرخون ولم ينقطع عنا المرتب الشهري وابني تحت متابعه الدكتور في المستشفى كم ارسل الدكتور المشرف عليه بتقرير طبي مفصل الى المجرخون يقول انه لازم متابعه الطفل خلال فتره الخريف كما ان تم دخول الاولاد الكبار للمدرسه وانا الان في حيره من امري و لا اعرف كيف يكون مصيري وبما تنصحني وشكرا |
81
|
yassin yassin |
bologna italia |
salam ana mo9im bi italia wa orido ma3lomat 3an hal momkin 9anoniyan an a3mal fi narweg |
80
|
الباحث عن الحياة |
صنعاء اليمن |
السلام عليكم ورحمة الله وبركاتة اخواتي في الله انا حبيت موقعك الجميل الذي يقدم من اجمل المعلومات والافكار الجميلة لللاجئين واشكركم على ذالك
اخواني انا صومالي الجنسية تركت الصومال وانا عمري 2 سنة ومن يومها وانا عايش في اليمن درست الجامعة في اليمن وكملتها وكنا مرتاحين والحمد لله الى ان جائت المشاكل في اليمن من ارهاب وفساد وتفجيرات وبلااوي كثير حاصلة فقررت ان اعقد صفقة مع سمسار يطلع لي سوجورنو ايطالية توصلني الى النرويج وماعندي اي فكرة عن اللجؤ وكيف يتم الاجرات في المطار وهل لو مسكوني بجوازي السفر اليمني الى انا اشتريتة راح يرحلوني ارجو الرد باسرع وقت ممكن يا اخواني فأني قد عزمت الرحيل وشكرأ |
79
|
حيدر |
مقيم حالين في لبنان |
اناسوري من مواليد مدينة حلب وأريد طلب اللجوء الانساني بسبب الاوضاع الراهنة في سوريا من حرب اهلية وقتل الشعب بمجرد النطق بكمة واحدة من اجل العيش بكرامة وحرية وعندي اسرة جميلة مكونة من ثلاثة اطفال واريد منكم المساعدة من اجل السفر الى النروج اوالسويد ولكم مني جزيل الشكر وارجوالتعامل مع طلبي على محمل الجد وشكرا |
78
|
محمد |
كركوك |
السلام عليكم
اخواني ماهي الطرق او السبل للحصول على الاقامة المؤقتة او الدائمة في احدى دول اعضاء الاتحاد الاوروبي علما انني لا اريد الحصول على الاقامة في احدى دول الاوربية عن طريق تقديم اللجؤ او عن طريق الزواج او عن طرق اقامة العمل , بكل بساطة انا عندي راسمال جيد من الاموال وانا اسكن في العراق واريد ان احصل على الاقامة المؤقتة وبعدها الاقامة الدائمة في احدى دول الاتحاد الاوربي ولايهمني اذا هذه الدوالة الاوريبة يكون من دول اوروبا الشرقية او جنوب اوروبا او شمالها , المهم ان احصل على اقامة في احدى الدول الاوربية , على سبيل المثال انا مستعد ان اشتري ملك او عقار في اي دولة اوربية بشرط يمنحوني الاقامة , اخواني اذا تساعدوني في ايجاد طريقة للحصول على الاقامة لدى احدى الدول الاعضاء في الاتحاد الاوربي ساكون مشكورا لكم , علما اني ذكرت لكم اني لا اريد الحصول على الاقامة عن طرق التالية (الزواج- اللجؤ) وايضا اقامة العمل لا اريد لاني لا استيطع البقاء والعيش في اوروبا , اريد ان احصل على الاقامة في احدى دول الاوربية لكن في نفس الوقت انا اسكن في العراق واعيش في العراق لكن بين فترة و فترة استيطع ان ازور هذه الدولة الاوربية الذي سيمنحني الاقامة ,, اخواني ارجوا ان يكون الصورة واضحة امامكم و ان تفهموا غايتي واهدافي مع جزيل شكر واحترام لكم |
77
|
مختار |
العراق |
السلام عليكم
ملاحظة جدا هامه ؟؟؟ !!!!!!!! للأخ مسؤول الموقع والمندوب لغرض المعرفة 1 حذف كل ما تراه خطر على امني وسلامتي 2 والله قريت كل الاجابات والاراء وكذلك مستخدم كل محركات البحث واني درست كل قوانين الهجرة والاتفاقيات دبلن الاولى والثانية بالاظافة الى المادة ستة عشر وكافة التعديلات الخاصة بها وكذلك حفظت قرارات محاكم بكافة درجاتها والتي تطعن بقرارات دوائر اللجوء والهجرة في اغلب الدول والاختلاف في التشريعات المقارنة بينها علما انني عملت محامي لتسعة سنوات في العراق
انا عراقي عمري 35 سنة من محافظة غير ساخنة واعمل في مجال القضاء ومدير لدائرة حققت مع كبار الفاسدين في العراق والذين لديهم ملفات فساد تثبت تورطهم بها وكذلك رجال دين بالاظافة إلى محافظين مزورين وكذلك اعضاء برلمان ومن الاخير حاربت الفاسدين باندفاع حتى تم قتل الموظفين اللذين يعملون في معيتي وبالغ عددهم 22 موظف بحادث ارهابي يعني من الاخير عندي كيس قضية قوية جدا تثبت في روابط الانترنيت يعني قضية ما بيها مجال واستهداف لي لعائلتي وخطف اثنين من افراد عائلتي وبعد ان حققت برجال دين فاسدين واعضاء برلمان منتمين للحزب الحاكم اخذو بالتصريحات النارية ضدي واخرجوا مضاهرات من الحزب ----- ضدي لينهوني هاربن من جلاوزتهم واجهزتهم بعد ان تم خطف اخي مرتين بسببي ----- وانتهى بي الامر لاجتثاثي بتهم يضحك عليها المجنون حيث انني كنت في الشعبانية عمري عشرة سنوات ولم احصل على رتبة مقدم في الجيش كون عمري صغير لم يصل الى رتبة ملازم لو ارادو منحي اياها حتى قاموا بتعيين بدل عني من حزبهم ال--- راجعت محكمة الاجتثاث افهموني بان موضوعي سياسي وفيه توصية من كبيرهم علما انهم من القضاة الدمج الذين معروفين في اوساط المحامين بانهم فاسدين ومن نفس الحزب فعزمت على السفر الى خارج العراق وانني الان اختبئ لدى اقاربي والحمد لله على النهاية السعيدة ولم يتم استخدام الكاتم بحقي او المادة اربعة ارهاب وهو سلاح اله الفساد في العراق ضد كل عراقي وطني شريف واقسم ان اله الفساد اجتمع بنا في مرة ليخبرنا انتم لا نريدكم ان تعملون الا ما اريده !!! المهم عندي كيس – قضية - قوي جدا جدا ويمكنني أثباته .
السؤال ؟
1ما هو الفرق بين اللجوء السياسي والحماية وايهما الافضل ؟ وايهما سوف يتم منحي ؟وفق الكيس القوي ؟
2 هل ان النرويج سوف تمنحني اللجوء اذا ما وصلت اليهم وهل احصل على رعاية تمكنني من ترتيب اوضاعي لفترة ولم شمل عائلتي وكم المدة التي تستغرق حتى استطيع ان الم الشمل بزوجتي وطفلي واخي الاعزب وهل احصل على عمل او دمج منهم في الحياة .
3كم المدة التي تستغرق لمنحي الجنسية انا وعائلتي
4هل سوف تصلني ارهاب الحكومة الفاسدة وخصوصا وإنها أخذت بشراء الذمم لدى العراقيين والأجانب بأموال الفساد
5 كم المصاريف التي احتاجها في المهجر أم فقط أتحمل المصاريف للوصول الى جهة القصد علما انني لا املك الأموال او العقارات في وطني لانني لم اسرق ولو سرقت لكنت مرشح لوزير او محافظ ولا احتاج لترك الوطن
6 اعلم إن الإحكام والقرارات متغيرة بين الحين والأخر تبعا للمواقف السياسية للدولة .
ارجو ممن يستطيع تقديم النصح والإرشاد أن يسعفني بها
|
